💬Jÿрÿм кижини кандый тыҥ, jайалталу, аҥылу улустарла тушташтырат. Бу jÿрÿмде, кыска да... — 19 апреля 2026 г. в 18:47:35.623
💬Jÿрÿм кижини кандый тыҥ, jайалталу, аҥылу улустарла тушташтырат. Бу jÿрÿмде, кыска да öйгö кожо jÿрÿп, нöкöрлöжип, jайаандык jолдо, кÿÿ-кожоҥ ажыра таныжып, биригип, бир jолды, ишти апарганыс. Сцена байзыҥында канча концерт, кÿÿлик толкулар… Элди толкундадып, кажызы ла изин артырат. Jайалтазы jаан, аҥылулар, тыҥ башкаланат. Ончо jанынаҥ саҥ башка: кылыгы да, jÿрген jÿрÿжи де. Эдер-тудары да элге сÿреен керектÿ, тузалу. Jе, кöп улус олордыҥ кöгÿс-санаа, кöрÿм-шÿÿлте, ич-байлыгын оҥдобой, баалабай, керексибей, таныбай jат. Бистиҥ ортобыска батпай, баалап, чеберлеп албаганыстаҥ, оҥдоп, болужып, кöдÿрип, jöмöшпöгöнистеҥ де улам токуналы jок, анда-мында согулып, jолдорынаҥ астыгат. Кайран кööркийлер, эрте jÿрÿмдери ÿзÿлип, кайра бурулбас алтайга jÿре ле берзе, кандый jакшы кижи, jаан jайалта, тирÿ jÿрген болзо, кöпти эдер-тудар эди деп, кийнинеҥ ары кородоп, сыктап артып каладыс. Тирÿ jÿрерде не оҥдобой, баалабайдыс? Бистиҥ ас калыкка качан да андый кижи келбези, кайра бурулбазы кандый кыскашту, jÿрекке батпас сыс, коромjы. Öскöлöри болзо до, jе, тÿней болбос, бир ле катап келген-барган. Кÿÿ-кожоҥ бириктирген jайаандык jолдо кожо бир jол jолдогон нöкöрлöргö, таныштарга, аҥылу, jаркынду, бистиҥ ортобыста öчпöс Jылдыстарга учурлап бичиген кожоҥым. 🎼Кожоҥ "Келзеҥ", сöстöри ле кÿÿзи Ирина Кензинаныҥ. Угыгар❤️