Биир кылаас түөрт үөрэнээччитэ — үөрэҕирии бочуоттаах үлэһиттэрэ
Биир кылаас түөрт үөрэнээччитэ — үөрэҕирии бочуоттаах үлэһиттэрэ Алтынньы 7 күнүгэр учуутал күнүгэр анаммыт улуустааҕы үөрүүлээх тэрээһиҥҥэ үөрэҕирии эйгэтин үлэһиттэрэ араас таһымнаах наҕараадалары тутан үөрбүттэрэ-көппүттэрэ. Ол иһигэр бэрт интэриэһинэй түгэн тосхойдо, Лөгөй орто оскуолатыгар биир кылааска үөрэнэн 1991 сыллаахха бүтэрбит түөрт оҕо төрдүөн – Арассыыйа Федерациятын үөрэҕириитин бочуоттаах үлэһиттэрэ буоллулар! Лөгөй лицей-интернатын үөрэх чааһыгар дириэктэри солбуйааччыта Марина Петроваҕа анал аат былырыын иҥэриллибит буоллаҕына, Мүрү 1 №-дээх орто оскуолатын дириэктэрэ Петр Баханов, Мүрү гимназиятын физкультураҕа учуутала Ньургун Готовцев, Лөгөй лицей-интернатын математикаҕа учуутала Майя Малышева быйыл бочуоттаах анал ааты үөрүүлээх быһыыга-майгыга туттулар! 📸Үөлээннээхтэр тэрээһин кэмигэр көрсүһэн хаартыскаҕа түспүттэрин редакцияҕа тиксэрдилэр. ✍️Анатолий Кириллин ✅ Источник: https://мюрюгазета.рф/