🎶Ырыа - дууһаны эмтиир, — 19 июня 2026 г. в 01:59:04.761
🎶Ырыа - дууһаны эмтиир, Ырыа - сырдыкка сирдиир. Талааннаах музыкант Мария Сергеевна Александрова "Бииргэ ыллыахха!" диэн ураты, истиҥ сыһыаннаах ырыа интенсивын үлэлэтэр. Бу дууһаны эмтииргэ, санааны көтөҕөргө, эрэли саҕарга аналлаах бырайыак. Ыллыы-туойа олорон, киһи ис туругун чэпчэтэр, мунньуллубут санаатын таһаарар, сүрэҕин бааһын, кыратык да буоллар, оһорор. Ырыа нөҥүө, биһиги, биир сомоҕо, бэйэ- бэйэбитигэр өйөбүл, эрэл буолабыт. Республикатааҕы социальнай хааччыйыы кэлим киинин 2-с салаатын социальнай үлэһитэ, Алексеева К.В.: «Бу интенсивка, социальнай өҥөнөн туһанааччыбынаан Бурнашева Татьяна Николаевналыын сылдьан, олус астынныбыт. Татьяна Николаевна 1 гр. инвалид, ырыаны доҕор оҥостубут, тарбаҕар талааннаах улахан дьиэ кэргэн ийэтэ, кэрэ эбээтэ. Хомойуох иһин, анал байыаннай дьайыыга, кэргэнин сүтэрбитэ. Билигин кыра уола инники кирбиигэ сылдьар байыас. Ийэ сүрэҕэ төһө да долгуйдар, барыта этэҥҥэ буолуо, бүтүө, эйэлээх олох кэлиэ диэн эрэнэ, итэҕэйэ кэтэһэр. Бу интенсивкэ сылдьан, санаата көнньүөрэн, сүргэтэ көтөҕүллэн, махталын биллэрдэ». #новостиРКЦСО #2ОСО #нашипсу #социальнаяработа