♦️Таче, 8 июльышто, чыла Российысе марий самырык-влакын погынымышт кышкарыште, марий к... — 8 июля 2026 г. в 13:21:13.035
♦️Таче, 8 июльышто, чыла Российысе марий самырык-влакын погынымышт кышкарыште, марий калыкын ончыкылыкшо верч кӱлешан лекций эртен. Андрей Чемышев,«Цифровизация марийского языка» теме дене занятийым вӱден. Тиде вашлиймаш — мемнан шочмо йылмынам тачысе саманлан келыштарыме корнышто моткоч кӱлешан ошкыл. Тенийсе технологий писын вияҥеш, а ме тидым шотыш налшаш улына. Занятийыште эн тӱҥжӧ искусственный интеллектын (ИИ) марий йылмыште кучылталтмыжым каҥашеныт. Мом пален налме? Марий йылме ынде «Яндекс.Переводчик» гай сервислаште пеҥгыдын верланен. Электрон мутер-влак пойдаралтыт, тыге вес элласе еҥат марла тунем кертеш. Ойлымым возышо (распознавание речи) да текстым йӱкаҥдыше (синтез речи) программе-влак ямде улыт. Текстым лудын пуышо робот-влак саемыт, а голосовой ввод полшымо дене марла серкалаш путырак куштылго лиеш. Интернет-энциклопедийыште марий раздел ешаралтеш. Мемнан историйна, тӱвырана да шанче пашана цифр формат дене аралалт кодыт. Чыла нине проект-влакым Марийский НИИЯЛИ-н специалистше-влак пеҥгыдемдат, нуно цифровой стандартыш кондымо пашам виктарен шогат.