Үтүө санаа — көлүөнэлэр ситимнэрэ! — 22 мая 2026 г. в 00:51:18.861
Үтүө санаа — көлүөнэлэр ситимнэрэ! Ыам ыйын 20 күнүгэр 5 хонуктаах улуус байыаннай-полевой сборун кыттыылаахтара ураты ис хоһоонноох субуотунньукка сырыттылар. Уолаттар биир бастыҥ ытыктыыр киһибитигэр Собакина Прасковья Петровнаҕа күүс-көмө буоллулар. Кини СӨ үөрэҕириитин туйгуна, бочуоттаах бэтэрээн, Учууталлар учууталлара бэлиэ хаһаайката, Чурапчы улууһун бочуоттаах бэтэрээнэ, Одьулуун нэһилиэгин бочуоттаах олохтооҕо үлэ бэтэрээнэ. Самаан сайыны көрсө, оҕолор үтүө дьыалаҕа кыттыһар маанылаах киһиэхэ үөрүү бэлэхтээн, дьиэтин таһын ыраастаатылар. 🧹❄️ Прасковья Петровна оҕолор кыһамньыларыгар барҕа махталын биллэрдэ. Маннык үтүө дьыалалар эдэр көлүөнэни аһыныгас буоларга иитэллэр уонна кырдьаҕаска убаастабылы иҥэрэллэр.
187 просмотров