“Сулустар суһумнара” элбэх түһүмэхтээх тэрээһин түмүктэннэ — 15 мая 2026 г. в 02:40:25.183
“Сулустар суһумнара” элбэх түһүмэхтээх тэрээһин түмүктэннэ Ыам ыйын 13 күнүгэр нэһилиэкпит Т.Г.Тоскин аатынан “Сайдыс” норуот айымньытын дьиэтигэр "Сулустар суһумнара" оскуолабыт үөрэнээччилэрин сыл устата ситиспит ситиһиилэрин, айар талааннарын уонна дьоҕурдарын көрдөрөр отчуоттуур кэнсиэр ыытылынна! Кэнсиэрбит Арассыыйа үрдүнэн Сомоҕолоһуу сылыгар, Саха Өрөспүүбүлүкэтигэр Култуура сылыгар, уонна Чурапчы улууһугар Бэйэ оҥорон таһаарыы сылыгар ананан, өссө ураты суолтаны ылла. Оскуолабыт дириэктэрэ 2025-2026 үөрэх сылыгар оскуолабыт олоҕор көхтөөхтүк кыттыбыт ситиһиилээх дьиэ кэргэттэри эҕэрдэлээн, махтал суруктарын туттарда. Сыл устата биһигини өйөөбүт, оскуолабыт аатын ааттаппыт ситиһиилээх дьиэ кэргэттэрбитигэр истиҥ махталбытын тиэрдэбит! Эһиги кыттыыгыт оҕолорбут инники дьылҕаларыгар улахан көмө. Кэнсиэр барыта 4 түһүмэҕинэн 34 араас нүөмэртэн турда. Киирии билиэтинэн оҕолор “Сатабыл” куруһуокка сылаас илиилэринэн оҥорбут оҥоһуктара оонньонно. Бу кэрэ киэһэни тэрийиигэ, ыытыыга көмөлөспүт бары дьоммутугар, өйөбүл буолбут төрөппүттэрбитигэр, уонна биһиги киэн туттар үөрэнээччилэрбитигэр барҕа-махталбытын тиэрдэбит! Оҕолорбут үөрэнээччилэрэ куруутун улууспут, өрөспүүбүлүкэбит аатын Арассыыйа, Аан дойду таһымнаах куонкурустарга ситиһиилээхтик көмүскүүллэрэ биһигини үөрдэр! Кэнсиэр хаартыскалырын бу ссылканан киирэн көрөөрүн 🙌🏻 https://drive.google.com/drive/folders/1Z6rmhjtx1BgVy7C1fcG4l3OvZ2A6dr4J?usp=drive_link