Балаҕан ыйын 1 күнэ - үөрэх-билии күнэ! — 1 сентября 2026 г. в 06:59:23.553
Балаҕан ыйын 1 күнэ - үөрэх-билии күнэ! Алтан чуораанынан чугдааран, Үөрэх дьыла саҕаланна, Оҕо-аймах иннигэр Оскуола аанын тэлэччи арыйда. Үөрэх дьыла аһыллан Оскуолабыт ыҥырда, Оҕо-аймах мунньустан Үөрүү-көтүү үксээтэ. Бука бары үөрэнээччилэри, учууталларбытын, ыҥырыылаах ыалдьыттарбытын, төрөппүттэрбитин балаҕан ыйын 1 күнүнэн — Билии күнүнэн уонна саҥа үөрэх дьыла саҕаламмытынан ис сүрэхпититтэн эҕэрдэлиибит! Бу биир саамай сырдык уонна үтүө, көлүөнэни барытын түмэр, саҥа саҕахтары үөскэтэр бырааһынньык. Быйылгы 2026-27 үөрэх дьылыгар оскуола боруогун атыллаан маҥнайгы кылааска сибэкки дьөрбөтө тутуурдаах 13 оҕо киирдэ. Маҥнайгы учууталынан эдэр учууталбыт Зоя Егоровна Егорова ананна. Билии күнүнэн эҕэрдэ тылларын эттилэр оскуолабыт дириэктэрэ Иннокентий Иннокентьевич, Чурапчы улууһун «Централизованная бухгалтерия» салайааччыта Татьяна Васильевна, Чурапчы улууһун информационно-аналитическай отдел сүрүн исписэлииһэ Прасковья Николаевна, нэһилиэкпит сүрүн исписэлииһэ Ульяна Михайловна ону таһынан «Күнчээн» уһуйаан иитээччилэрэ. Күндү үөрэнээччилэрбит, билии аартыгынан хардыылаан, саҥа үрдэллэргэ дабайаҥҥыт үтүө үлэһит, дьоһуннаах гражданин, патриот буола улаатыҥ. Төрөппүттэргэ муударай буолууну, тулууру баҕарабыт, оҕолоргут бу аныгы үйэҕэ бэйэлэрин талааннарын, ураты дьоҕурдарын арыйан үөрдэ турдуннар.