Руслан Бекянов "Бастыҥ учуутал-2026" куонкурус улуустааҕы түһүмэҕин призерун үрдүк ааты...
Руслан Бекянов "Бастыҥ учуутал-2026" куонкурус улуустааҕы түһүмэҕин призерун үрдүк аатын сүктэ! Муус устар 29 күнүгэр С.К.Макаров аатынан Чурапчы гимназиятыгар «Чурапчы улууһун бастыҥ учуутала-2026" куонкурус ыытылынна. Биһиги оскуолаттан физика, информатика учуутала Бекянов Руслан Иннокентьевич кытынна. Кыттааччылар педагогическай үлэлэрин киэҥник көрдөрөр, сыаналыыр хас да түһүмэҕи аастылар: 1. Уруок; 2. Педагогическай интервью; 3. Маастар-кылаас; 4. Блицтурнир; 5. Образовательнай форсаж. 5 сүрүн түһүмэҕи ааһан Руслан Иннокентьевич бочуоттаах 2 миэстэни ылары ситистэ, кини Антипиннар педагогическай династияларын бириистэрин тутта. Руслан Иннокентьевич үлэтэ, билиитэ, дьоҕура үрдүктүк сыаналаммытынан эҕэрдэлиибит! Үлэлэспит хамаандаҕа махталбытын тиэрдэбит! Инникитин үлэҕитигэр-хамнаскытыгар ситиһиилэри баҕарабыт!