Куличкиннар дьиэ кэргэн улуустааҕы дьиэ кэргэн фестивалын кыайыылаахтара
Куличкиннар дьиэ кэргэн улуустааҕы дьиэ кэргэн фестивалын кыайыылаахтара Бүгүн Е. А. Борисов аатынан Чурапчытааҕы киин бибилэтиэкэҕэ XXIII төгүлүн ыытыллар «Весенний калейдоскоп чтения» дьиэ кэргэн бэстибээлэ буолан ааста. Одьулуун орто оскуолатыттан 1 кылаас үөрэнээччитэ Давид, 3 кылаас үөрэнээччитэ Диана, уһуйаан иитиллээччитэ Ариана, күн күбэй ийэ Александра Александровна, эйэҕэс эбэ Елена Николаевна - Куличкиннар дьиэ кэргэн ситиһиилээхтик кытыннылар. Быйылгы бэстибээлгэ 12 дьиэ кэргэн ох курдук оҥостон, бэлэмнэнэн кэлбиттэр. "Мы читаем и вам советуем" ааҕар дьиэ кэргэн визитката, сөбүлүүр кинигэлэрин рекламата, "Семью сплотить сумеет мудрость книг" үбүлүөйдээх суруйааччылар айымньыларынан/үбүлүөйдээх айымньыларынан театрализованнай туруоруу түһүмэхтэрэ олус кэрэхсэбиллээхтик аастылар. Маны тэҥэ "Любимый герой книги" диэн оҥоһук күрэҕэ дьон болҕомтотун тарта. 10 педагог-бибилэтиэкэр "Сборник методических разработок педагога-библиотекаря" күрэххэ кыттыыны ылла. Түмүккэ, Куличкиннар дьиэ кэргэн КЫАЙЫЫЛААХ үрдүк аатын сүктүлэр, "ЛУЧШАЯ РЕЖИССЕРСКАЯ РАБОТА" диэн анал аакка тигистилэр. Кинилэр "дьиэ кэргэн визиткатыгар" сахалыы хомоҕой саҥаларынан, таҥастарынан-саптарынан, реквизиттэринэн, күүстээх бэлэмнэринэн чорбойдулар. Ульяна Бурнашева "КУСТУК ӨҤНӨӨХ КУЛУНЧУК" кинигэтин киһи эрэ кэрэхсээн ааҕыах билиһиннэрдилэр. Салгыы Д. К. Сивцев-Суорун Омоллоон "ДЬЭРЭКЭЭН ОҔОЛОР" остуоруйатын олус итэҕэтиилээхтик көрдөрөн мустубут дьону, дьүүллүүр сүбэни сөхтөрдүлэр. Оҥоһук күрэҕэр 1 кылаас үөрэнээччитэ Петрова Дайаана "ТИИҤЧЭЭН УОННА КУОБАХ" диэн үлэтинэн, библиотекарь Максимова Т. С. "Кэм ситимэ: оскуола библиотекатын методическай хомуурунньуга" диэн үлэтинэн III истиэпэннээх ДИПЛОМ туттулар. Куличкиннар дьиэ кэргэҥҥэ, 1-гы уонна 3-с кылаас коллективтарыгар өссө төгүл эҕэрдэ! Күүс-көмө, өйөбүл буолбут коллегаларбытыгар барыгытыгар барҕа махталбытын тиэрдэбит. Комиссия