ТЫАРАҺАҔА ААН БАСТАКЫТЫН РЕСПУБЛИКА АГРООСКУОЛАЛАРЫН СПАРТАКИАДАТА ЫЫТЫЛЫННА
ТЫАРАҺАҔА ААН БАСТАКЫТЫН РЕСПУБЛИКА АГРООСКУОЛАЛАРЫН СПАРТАКИАДАТА ЫЫТЫЛЫННА Кулун тутар 27 күнүгэр М.Н.Турнин аатынан Тыараһа орто оскуолатыгар бастакытын ыытыллар Республикатааҕы агрооскуолаларга алта көрүҥнээх спартакиада буолан ааста. Спартакиадаҕа араас улуустартан уопсайа 14 хамаанда, 150 кыттааччы кэлэн күрэхтэстэ. Хамаандалар 6 көрүҥҥэ — буулдьанан ытыыга, остуол оонньууларыгар (хабылык, хаамыска), дартска, Саха ЕМБЛ көрүҥүгэр, настольнай теннискэ, канат тардыытыгар күрэс былдьастылар. Сүрүн судьуйа 2015-2025 сс. Тыараһа орто оскуолатыгар директорынан үлэлээбит Петр Васильевич Полускин салалтатынан көрүҥ аайы тус-туспа судьуйалар, тэрийэр хамыһыыйа үлэлээтэ. Күн иккис аҥарыгар үлэ-хамнас сүнньүнэн «төгүрүк остуол» тула кэпсэтии, «Талахха уруһуй», «Мастерская харысхал», «Оҕуруо абылаҥа», «Өрүс балыгыттан бүлүүдэлэр», «От идеи до кода: создание образовательных проектов» маастар-кылаастар ыытылыннылар. Уус Таатта оскуолатын үлэһиттэрэ балыгы астааһыҥҥа маастар кылаастара үгүс дьону түмэ тарта. Сыалыһары клярга уган ыһаарылаан, сордоҥу тууһаан көрдөрдүлэр, тэрээһин кыттыылаахтарын күндүлээтилэр. Ону сэргэ оҕолорун оҥоһуктарын, уруһуйдарын быыстапкаҕа туруордулар. Уопсай түмүккэ биһиги оскуолабыт хамаандата иккис миэстэ буолары ситистэ, Кыйы олохтооҕо Мордовской М.В. туруорбут ньирэйинэн наҕараадаланна, ону таһынан биирдиилээн миэстэлэһэн грамота, мэдээл ылары ситистилэр. Инникитин маннык спартакиада өссө сайдан истин, ситиһиилэр кэлэ турдуннар!