Бу дьыл Алтынньы 21 күнүгэр Чурапчы улууһун Е.А. Борисов аатынан киин библиотекатыгар о...
Бу дьыл Алтынньы 21 күнүгэр Чурапчы улууһун Е.А. Борисов аатынан киин библиотекатыгар олус бэлиэ уонна долгутуулаах тэрээһин буолан ааста. Бу күн Чурапчытааҕы гимназия 10-с кылааһын үөрэнээччитэ Собакин Артем "Свет во тьме передовой" диэн иллюстрированнай брошюра-кинигэтин сүрэхтээһинэ ыытылынна. Бу үлэ биһиги оскуолабыт үлэһитин, Одьулуун нэһилиэгин олохтооҕун, СӨ доруобуйа харыстабылын туйгунун уонна Анал байыаннай дьайыыттан Чурапчы улууһуттан соҕотох кэрэ аҥар кыттылааҕын, ытыктабыллаах Сорокоумова Анна Ильинична туһунан кэпсиир. Биһиги оскуолабыт коллектива бу дьоһуннаах тэрээһиҥҥэ кыттан, Анна Ильиничнаҕа ытыктабылбытын, махталбытын тиэрдэн, кини олоҕун дьоһуннаах холобурун үрдүктүк сыаналыырбытын биллэрдибит. Анна Ильинична, бу тэрээһин иһин махтаммытын бэлиэтээн, биһиэхэ бэйэтин кинигэтин бэлэхтээтэ. Бу кинигэ Анна Ильинична курдук дьоһуннаах дьоммут олохторун, үлэлэрин-хамнастарын кэлэр көлүөнэҕэ тиэрдэр уонна ийэ дойдуга бэриниилээх буолууга иитэр олус суолталаах хардыы буолар. Улахан махтал Собакин Артемҥа итинник дьоһуннаах үлэтин иһин!