Сабинский муниципальный район - Саба муниципаль районы
Новости · 28 октября 2026 г.
Казан шәһәрендә яшүсмерләр арасында хокук бозуларны кисәтү юнәлешендә нәтиҗәле эш алып ...
Казан шәһәрендә яшүсмерләр арасында хокук бозуларны кисәтү юнәлешендә нәтиҗәле эш алып баручы җитәкчеләрне бүләкләделәр. Тантана Татарстан Республикасы Премьер-министры урынбасары Ләйлә Фазлыева рәислегендә узган Балигъ булмаганнар эшләре һәм аларның хокукларын яклау буенча республика комиссиясе утырышы кысаларында үтте. Татарстан Республикасы Министрлар Кабинетының Рәхмәт хаты белән Саба аграр көллияте директоры Закирҗан Бикмөхәммәтов бүләкләнде! Татарстан Республикасы Мәгариф һәм фән министрлыгы балаларның хокукларын яклау һәм хокук бозуларны кисәтү программаларын гамәлгә ашыруда педагогларга һәрьяклап ярдәм күрсәтүне дәвам итәчәк. Закирҗан Миңнемулла улын лаеклы бүләге белән чын күңелдән котлыйбыз! Алга таба да җаваплы эшендә уңышлар телибез!