🌿Күндү Саха сирин олохтоохторо! Үрүҥ Тунах ыһыаҕынан итиитик-истиҥник эҕэрдэлиибин! — 21 июня 2026 г. в 01:35:46.767
🌿Күндү Саха сирин олохтоохторо! Үрүҥ Тунах ыһыаҕынан итиитик-истиҥник эҕэрдэлиибин! Улуу Тунах ыһыах сахалар үйэттэн-үйэҕэ бэриллэн илдьэ кэлбит сүдү баайбыт. Бу күн бука бары түөлбэлээн түмсэн, кыынньар кымыс ыймахтаан, арыылаах алаадьы амсайан, күөх окко көччүйэ оонньоон, күрэс былдьаһан, оһуохайдаан, кылыһахтаах тойугу истэн алгыстанан, үрүҥ күнү көрсөн күүс-сэниэ ылабыт. Үрдүк Айыыларга сүгүрүйэр, айгыр-силик айылҕабытын кытта алтыһар ытык-мааны күммүтүгэр норуоппут өйө-санаата түмүллэр, үс кута бөҕөргүүр, өрөгөй талаана арыллар. 🌼Ийэ айылҕабыт силигилээн, тупсан турар кэмигэр эһиэхэ хас биирдиигитигэр өй-быйаҥ олоҕу, чөл туругу, этэҥҥэ буолууну баҕарабын! Сырдык санаа кыымнара аргыс буолан саҥа саҕалааһыннарга кынаттаатыннар, тапталлаах Өрөспүүбүлүкэбит, Улуу Арассыыйабыт сайдарын, үүнэр ыччаппыт дьоллоох олоҕун туһугар саҥа ситиһиилэри, кыайыылары түстээтин. 🌿Биир сомоҕо буоларга быйаҥнаах ыһыах ыһылыннын, илгэ быйаҥ илгийдин, үүнүү-сайдыы суола төлкөлөннүн! Саргылаах Ыһыаҕынан! Уруй-туску! Айхал-мичил! https://max.ru/Sakhamin_Afanasiev