Бэс ыйын 11-12 күннэригэр Чурапчы улууһун Мындаҕаайы нэһилиэгэр эбии үөрэхтээһин педаго... — 25 июня 2026 г. в 14:13:21.782
Бэс ыйын 11-12 күннэригэр Чурапчы улууһун Мындаҕаайы нэһилиэгэр эбии үөрэхтээһин педагогтарын ll-с республикатааҕы форумнара буолан ааста. "Сайдыы "оҕо айымньытын дьиэтин педагогтара көхтөөх кыттыыны ыллылар. Ол курдук конкурстар, выставка, семинардар, идэни үрдэтэр курстар, маастар-кылаастар ыытылыннылар. Форум үөрүүлээх аһыллыытыгар СР үөрэҕин уонна наукатын министрэ Нюргуна Соколова эҕэрдэлээтэ. Миниистир ,эбии үөрэхтээһин эйгэтин үлэһиттэрэ үөрэх ситимигэр, ситиһиитигэр улахан кылааттарын киллэрэллэрин махтанан бэлиэтээтэ. Оҕону эбии үөрэхтээһининэн хабыыга 2025 сыл түмүгүнэн Саха сирэ Россияҕа миэстэни ыларын эттэ. Үөрүүлээх тэрээһиҥҥэ ситиһиилээх педагогтары эҕэрдэлээһин буолла. "Сайдыы " оҕо айымньытын дьиэтин "Умелые руки " куруһуок салайааччыта Новгородова Наталья Константиновна СР үөрэҕин ситимин туйгуна үрдүк наҕарааданы тутта. Форум чэрчитинэн ыытыллыбыт "Уран уустар түһүлгэлэрэ "выставка түмүгүнэн "Туосчаан "куруһуок салайааччыта Баишева Варвара Дмитриевна, туос номинацияҕа 3 миэстэни ылла. Ситиһиилээх педагогтарбытын ис сүрэхтэн эҕэрдэлиибит. Түгэнинэн туһанан "Юные якутяне "ресурснай киин директорыгар Соловьев А.М., декоративнай-прикладной отдел салайааччыта Архипова А.С. күүс-көмө, өйөбүл буоларгытынан махталбытын биллэрэбит.