💐 Өлөөн оройуонун депутаттарын сүбэ мунньаҕын "Сугулаан" эҕэрдэтэ
💐 Өлөөн оройуонун депутаттарын сүбэ мунньаҕын "Сугулаан" эҕэрдэтэ Күндү учууталларбыт, олохпут бигэ тирэхтэрэ, кэнэҕэскибит кэскилэ! Эһигини Учуутал күнүнэн Өлөөн улууһун Сугулаанын аатыттан ис сүрэхпиттэн итиитик-истиҥник эҕэрдэлиибин! Эһиги – оҕолорбут өйүн-санаатын уһугуннарар, билиигэ-көрүүгэ сирдиир, кэскиллээх киһини иитэн таһаарар улуу дьоҥҥут. Сыралаах үлэҕитинэн, үтүө сүбэҕитинэн уонна улахан тапталгытынан биһиги улууспут сайдар, кэҥиир, аата ааттанар. Хас биирдии оҕоҕо дьоҕурун арыйарга, талаанын сайыннарарга көмөлөһөн, кинилэри үрдүккэ-үчүгэйгэ угуйаҕыт. Учуутал диэн аҥардас идэ буолбатах – олоҕу тус бэйэннэн көрдөрөр ытык анал, дьоҥҥо-сэргэҕэ холобур буолар улуу суол. Эһигини хас биирдии оҕо, төрөппүт, улуус олохтооҕо ытыктыыр, киэҥ туттар. Бу бэлиэ күн эһиэхэ кытаанах доруобуйаны, айымньылаах үлэҕитигэр саҥа ситиһиилэри, дьиэ кэргэҥҥитигэр дьолу-соргуну, үөрүүнү-көтүүнү баҕарабын! Үлэҕит түмүгэ үгүс талааннаах, үөрэхтээх уонна дойдутугар бэриниилээх ыччат үүнэн тахсарынан сиэрдэннин! Үйэлэргэ умнуллубат үтүө ааккыт ааттана турдун! Ытыктабылы кытта, Өлөөн Сугулаанын бэрэссэдээтэлэ Никан Николаев @redsardana @ulusmedia