Җәлил посёлок китапханәсе Хезмәт Даны музее белән берлектә «Тукай безнең күңелләрдә» ди... — 30 апреля 2026 г. в 13:14:16.228
Җәлил посёлок китапханәсе Хезмәт Даны музее белән берлектә «Тукай безнең күңелләрдә» дип исемләнгән әдәби-музыкаль кичә үткәрде. Кичәдә мәктәп укучылары, 4 нче балалар бакчасында тәрбияләнүчеләр, музыка, сәнгать мәктәбе укучылары катнашты. Чара Габдулла Тукайның балачагын искә төшерү, балалар бакчасында тәрбияләнүчеләр чыгышы, укучыларның Тукай шигырьләрен укуы, «Тукай - халкыбыз горурлыгы» китап күргәзмәсен, «Тукай иленә сәяхәт» презентациясе слайдларын, видеороликлар карау, викторина сорауларына җавап бирү белән үрелеп барды. «Җәлил чаткылары» әдәби-иҗат берләшмәсеннән Гафифә Гаффрова Тукайга багышлап язган шигырен укыды. Сәнгать мәктәбе укытучысы Гүзәл Язкаровна укучыларның эшеннән Тукайга багышлап оештырылган күргәзмә белән таныштырды. Җәлил музыка мәктәбенең «Өмет» үрнәк инструменталь ансамбленә кушылып (җитәкчесе - Татарстанның атказанган мәдәният хезмәткәре Юзлебаева Рәмзия Марселевна) «И, туган тел» җырын башкару һәркемнең күңеленә хуш килде.