Сунтаар улууһун баһылыга А.В.Григорьев бүгүн балаҕан ыйын 5 күнүгэр Дьокуускай куоракка... — 5 сентября 2026 г. в 09:37:36.204
Сунтаар улууһун баһылыга А.В.Григорьев бүгүн балаҕан ыйын 5 күнүгэр Дьокуускай куоракка "Куоркуннуу олоруохха, Куоркуннуу айыахха" саха тустууга оскуолатын чаҕылхай бэрэстэбиитэллэрэ Саха сирин аатын Олимпиадаҕа ааттаппыттара 50 сыла туолбутунан уонна САССР, РСФСР, СССР Үтүөлээх тренера уонна учуутала Д.П.Коркин төрөөбүт күнүгэр анаммыт тэрээһиҥҥэ кыттыыны ылла. Манна 1976 сылга Канаада Монреалыгар буолбут XXI-с сайыҥҥы Олимпийскай оонньуулар үрдүк чыпчаалын ылбыт 3 бастыҥы ахтар-саныыр, чиэстиир түһүлгэтэ тэрилиннэ. Ол курдук, Чурапчы улууһун бөҕөһө Павел Пинигин, Жиганскай улууһун сымсата Роман Дмитриев уонна Сунтаар улууһун чулуута Александр Иванов ситиһиилэрин, кыайыыларын, олохторун толору сырдатар быыстапка турда. Маны барытын Коркин оскуолатын выпускницата Т.А.Гоголева 9-с сылын тэрийэр эбит. Ону тэҥэ истиҥ-иһирэх кэпсэтиигэ кыттыыны ыллылар Коркин үөрэнээччилэрэ, биир идэлээхтэрэ, биир дойдулаахтара, спортсменнар, бэтэрээннэр, спортка сүгүрүйээччилэр. Салҕыы сарсын балаҕан ыйын 6 күнүгэр сарсыарда 11 чаастан Строительнай рынок 1 этээһигэр (кыһыл здание) саалатыгар бу быыстапка салҕыыта “Олимпиец Александр Иванов-Пехлеван - дойдута СУНТААР" тэрээһинэ ыытыллыаҕа. Глава Сунтарского улуса Анатолий Григорьев 5 сентября в Якутске принял участие в мероприятии, посвященном 50-летию выступления якутских борцов на Олимпиаде 1976 года и дню рождения заслуженного тренера Дмитрия Коркина. На выставке рассказали о достижениях олимпийцев Павла Пинигина, Романа Дмитриева и Александра Иванова. 6 сентября в 11:00 на первом этаже Строительного рынка пройдет продолжение выставки — «Олимпиец Александр Иванов-Пехлеван — родина Сунтар».