Хүндүлүг дөргүл-төрелдеривис болгаш чоннувус!
Хүндүлүг дөргүл-төрелдеривис болгаш чоннувус! Ырак-чоокта төрелдеривиске, чонувуска, эш-өөрүвүске бистиң төрел аймак ууттунмас аар-берге, улуг чидиригге таварышканын ханы кажыыдал-биле дыңнадып тур бис. Бистиң эң эргим киживис, авазының чаңгыс оглу, иезиниң болгаш кады чурттаан эжиниң быжыг чөлеңгиижи, чаптанчыг кызының ынак ачазы, угбазының база дуңмазының чоргааралы, ачазының кады төрээннериниң ынак оглу, даайларының болгаш даай-аваларының эрге чассыг чээни, хөй санныг дуңмаларының, угба-акыларының, честелериниң, чеңгелериниң, чээннериниң, чуржуларының чоргаар акызы, дуңмазы, чуржузу, даайы, честези, кат-иелериниң, каттыларының чазык чаңныг ынак күдээзи, эш-өөрүнүң, чаңгыс классчыларының болгаш курсчуларының бүзүрелдиг эжи, төрээн Тыва чуртунуң төлептиг оглу, Ада-чуртунуң камгалакчызы Седен Амыр-Санаа Маратович (кыйгы ады «Акула») тускай шериг операциязының үезинде изиг тулчуушкун үезинде – 2026 чылдың август 19-та маадырлыы-биле өлчейлиг өртемчейден, чоок кижилеринден кезээ мөңгеде чарлып чоруткан. Маадыр оглувус 2004 чылдың май 28-те төрүттүнген. 2011 чылда Кызылдың № 3 ортумак школазынче өөренип киргеш, 2021 чылда дооскан. Ол-ла чылда Тываның көдээ ажыл-агый техникумунуң Агрономия салбырынче өөренип киргеш, 2025 чылда чедиишкинниг дооскан. Тываның күрүне университединиң көдээ ажыл-агый факультединин сургуулу .Төрээн чуртун болгаш Тывазын камгалап, оларның амыр-тайбың келир үези дээш дайынчы албан хүлээлгезин 2026 чылда апрель 17-ден эгелээш, күүседип эгелээн. Ол Төп шериг округунуң № 77799 шериг кезээниң ужудукчу чок ужар чүүлдер системаларының батальонунуң разведчик-механиги чораан. Эргим киживистиң каткы-хөглүг чараш овур-хевири болгаш маадырлыг чоруу сагыш-сеткилдеривиске болгаш чүректеривиске кезээ мөңгеде уттундурбайн чырып артар. Хайыралдыг, эн-не эргим киживисти соолгу оруунче удээр хунун немей дамчыдар бис. Харылзажыыр дугаарлары: авазы: +7 (966) 805-53-45 авазы Мариана Лапайевна +7 (923) 263-64-83 ачазынын кады-торээн угбазы Долаана Лаак-ооловна +7 (906) 997-34-17 кады торээн угбазы Ай-Кат Маратовна