Харыы кайыл?! — 2 сентября 2026 г. в 15:40:36.464
Харыы кайыл?! Анна Б. Кызыл хоорай. Чалыы оолду кыйгыртыпкаш, Чаалыг шөлче чортупкан дыр. Човап манаан авазынга, Чогумчалыг харыы кайыл?.. Чораан на дээр, читкен не дээр Чидиригниң халалыын аан.. Барган на дээр, турган на дээр.. Баажызының элдептиин аа? Ис чок чиде берген не дээр Ине эвес, билзек эвес?! .. Иезиниң эрес оглу, Ийлеп, түреп чоруур даа дег.. Үжен хонук, үш ай эрти.. Үүле салым ындыг дишти.. Үгер сылдыс үннүг болза, Үнээргетпейн сөглээй эртик. Оглу кайыл, төлү кайдал?!. Огулуг чоп харыы чогул? Оода ла шынын сөглеп, Оожургалдан хайырлаңар. Читкен не дээр барган на дээр. Читкен чери билдинмес дээр.. Чидириглиг аваларга Чиге сөстүг харыы кайыл?! Одун салыр, ижин кылыр, Ооргаланыр оглу кайыл?.. Олчаан сураа дыңналбаан деп, Оожургадып көгүтпеңер! .. Оглу кайыл, төлү кайда?! Огулуг шын харыы кайыл? ❗️..