🙏Школачы өрттенген Бурганнарны чуурунга дузалашкан
🙏Школачы өрттенген Бурганнарны чуурунга дузалашкан Кызыл хоорайның 20 дугаар школазының 4 «г» клазының өөреникчизи Чимит-Доржу Маадыр-оол Чөөн-Хемчик кожууннуң девискээринге өрт айыылындан когараан Үстүү-Хүрээниң Бурганнарын аштап-чуурунга дузалажып турар. 💬«Мээң авам – Бүгү-россияның «Салгын» волонтерлар шимчээшкининиң кежигүнү. Ол янзы-бүрү хемчеглерде киржип турар. Авам – Кызылда «Дөгээ» эки турачылар ротазының идепкейжизи. Бистиң өг-бүлевисте кижилерге буян кылыры чүгле хүлээлге эвес, а делегейде дириг амылыгларның амыдыралын эки болдурар дээш, дуза чедирер күзеливис-тир. Волонтер кылдыр каш-даа харлыында киржип болур. Бо удаада мен авамны эдерип, Цеченлинг хүрээзинде келдим. Ында «Салгын» эки турачылар шимчээшкининиң кежигүннери Чадаанага өрттенген хүрээниң Бурганнарын кара ыштан аштап-чуп турарлар. «Салгынның» улуг-биче волонтерлары буянныг ажылды кылып турар деп бодаар мен» - деп, бичии эки турачы Чимит-Доржу Маадыр-оол чугаалаан. Мира КОНГУЛ-ООЛ. Ч. Маадыр-оолдуң хууда чуруу.