Камли ахIи I5 дус гьалав историяла учитель Ибрагьим Кьурбанов набчи гъамиубсири. — 8 апреля 2026 г. в 09:09:45.670
Камли ахIи I5 дус гьалав историяла учитель Ибрагьим Кьурбанов набчи гъамиубсири. – ХIед тамашала музей чебаэс хIейгив? – хьарбаиб илини. – Чинаба ил? Нушала школала краеведческий музейличила викIули хIейиши? – АхIенра. – Гьу, гимназиялизибси бургар? Чебаибси саби, гьачамцунра ахIи. – Юх, дила гъай нушала шан Ризва ГIяхIмадхIяжила хъулибси музейличила сари. – Хъулирти музейтачила гьачамлис аргъибси ахIен. Нушачиб илгъуна гIядатра агара, – викIулра ну, варх узуси юлдашла гъайла мягIна хIергъули. – Ваши, хIебиалли, набчил варх, ца–чумал суратра кайсехIену, чебиид ну масхурта хIевгьнира. Хъар шилизибси дербентла къаркъала кIидерхIла юртличи дакIира. Гьалли къапула гьалар ГIяхIмадхIяжила рархкья ПатIимат къарширикиб. Нуша гIяхIлад дакIнила мурад аргъибхIели, ил лергIер разириуб. – Даширая, даширая, дила къиян дугIлиб кали хIейгахъира, я набцун ахIен ил барибси, арагIеб шанти гIяхIлад башалрира нушачи, ну цIакьли разирираси. Илдала азбарра урхIмешули ахIенри: ца шайчиб хъубзурала ваяхI жагали мерладарибси гIямзи лебри, иличирад тяйдили, вавнала ва жура-журала кьадубала диштIати диркьбикуни лерри. https://selskayajizn.ru/news/media/2026/4/8/kiel-urki-tsadialli/