Бүлүү-Үөһээ Бүлүү-Ньурба-Сунтаар улуустарыгар ПЕДДЕСАНТ! — 9 апреля 2026 г. в 00:47:16.086
Бүлүү-Үөһээ Бүлүү-Ньурба-Сунтаар улуустарыгар ПЕДДЕСАНТ! Муус устар 7 уонна 8 күннэригэр Бүлүү улууһун 10 тыа нэһилиэктэрин оҕо саадтара быйыл дойду үрдүнэн биллэриллибит "Оскуола иннинээҕи үөрэҕирии" сылыгар сөп түбэһиннэрэн былаан быһыытынан "Билиэххэ-көрүөххэ, опыт атастаһыахха, сайдыахха!" диэн санаанан салайтаран ПЕДАГОГИЧЕСКАЙ десант Үөһээ Бүлүү улууһугар- 3 детсаакка. Ол курдук бастаан Тамалакаан нэһилиэгин оскуола саадыгар, онтон Нам нэһилиэгэр эмиэ оҕо саадыгар, уонна Үөһээ-Бүлүү "Сказка" оҕо саадыгар сырыттыбыт. Сылдьыбыт оҕо саадтарбыт олус айымньылаахтык үлэлии олороллор эбит. "Үс хоһуун" диэн оҕону эт-хаан өттүнэн сайыннарар программаны сэргээтибит. Салгыы Ньурба улууһугар тиийэн бастаан Үөдэй школа-саадыгар сырыттыбыт. Бу манна нэһилиэктэрин төрүччүтүн үөрэтэн стендэ оӈорбуттар. Школа-сад республика хас да оройуонугар баһылыгынан үлэлээбит Варвара Андреевна Петрова аатын сүгэр эбит, кини аатын үйэтитиигэ элбэх үлэни ыыппыттар. Уопсайынан олус сэргэхтик тэринэн олороллорун сөхтүбүт. Салгыы Маар уһуйааныгар сырыттыбыт. Манна эмиэ олус туспатык үлэлии олороллор эбит, Ньурба куорат "Кэскил уонна "Сардаана "уһуйааннарыгар сырыттыбыт. Бу Ньурба оҕо саадтара 12,5 чаас үлэлии олороллор. Ол иһин штатнай расписаниелара толору эбит. Сылдьыбыт оҕо саадтарбыт тэрилтэлэригэр дизайн-код киллэрэн, онно үлэлэһэн олус тупсаҕайдык олороллор. "Сардаана" оҕо саадыгар сэбиэдиссэйдэр сэбиэттэрэ олус бэркэ сэбиэдиссэйдэр гимнарын ыллаан көрүстэ. Үлэни да, спорду ла, сынньалаӈы да бэркэ тэринэллэрин презентация оӈорон көрдөрдүлэр. Бу Ньурба уһуйааннарыгар өссө эр дьоннор сэбиэдиссэйдэр бааллар, олус бэркэ айымньылаахтык үлэлии сылдьаллар эбит. Салгыы Сунтаар улууһугар тиийэн бастаан 1 нүөмэрдээх оскуолаҕа төгүрүк остуол буолла. Төгүрүк остуолга 6 оҕо саада бэйэтин бастыӈ уопуттарын кэпсээтилэр. Бу билиһиннэрбиттэрин кылгастык эттэххэ проект суруйан граннарга элбэхтик киирсэллэр эбит, бэйэлэрин детсадтарыгар араас республиканскай таһымнаах оҕону сайыннарар тэрээһиннри ыыталлар эбит, оҕолорун патриотическай тыыӈӈа иитэллэрин кэпсээтилэр, ханна баҕар буоларыныы доруобуйаларыгар хааччахтаах уонна инбэлиит оҕолору кытта үлэлиир опыттарын үллэһиннилэр. Салгыы икки детсаакка "Солнышко" уонна "Ньургуһун" уһуйааннарыгар сылдьан, көрөн- истэн, опыт атастаһан кэллибит. Бу икки сылдьыбыт оҕо саадтарбытыгар "Туустаах хос" диэн аатырбыт Кэмпэндээйи тууһуттан оӈоһуллубут оҕо доруобуйатын тупсарар хостор бааллар. Сылдьыбыт оҕо саадтарбыт Робототехниканы, сахалыы эйгэни тэрийии, саахыматы, оҕону чэбдигирдэр-сайыннарар уонна музыка кэрэ эйгэтигэр уһуйуу өттүгэр олус күүскэ үлэлииллэрин көрдүбүт. Онон олус туһалаах педагогическай десант буолла. Махтал буоллун тэрийээччилэрбитигэр Бүлүү улууһун үөрэҕириитин салалтатыгар: начальник Семенова Наталья Михайловнаҕа, солбуйааччы Наталья Алексеевна Филипповаҕа, оскуола иннинээҕи үөрэхтээһин отделыгар салайааччы Лариса Дмитриевна Шамаеваҕа, ХЭС отделыгар Иванов Николай Николаевичка, Үөһээ Бүлүү, Ньурба,Сунтаар улуустарын үөрэҕириитин салалталарыгар уонна үөрэ -көтө көрсүбүт биир идэлээхтэрбитигэр оҕо саадтарын бары үлэһиттэригэр, олус бэркэ илдьэ сылдьыбыт суоппарбытыгар Бориска. Уопсайынан биир тылынан эттэххэ Бүлүү өрүс сүнньүгэр сытар улуустары тэӈнээн көрдөххө бары да улуустар араа-бараа сайдан иһэр эбиппит. Сылдьыбыт уһуйааннарбыт үксүлэрэ таас тутуулаахтар. Биир икки эрэ детсадтар мас тутуулаахтар. Уонна бары детсадтар дизайн-кодка элбэхтик үлэлэһэн оҕо саадтара оҕолору уонна төрөппүттэри бэйэлэригэр угуйа тураллар эбит диэн суруйуубун түмүктүүбүн. Дьөккөнтөн Альбина Ионовна.