Үөһээ Бүлүү улууһун ытык -мааны олохтоохторун, ытыктабыллаах учууталлары, иитээччилэри,... — 1 сентября 2026 г. в 01:42:53.078
Үөһээ Бүлүү улууһун ытык -мааны олохтоохторун, ытыктабыллаах учууталлары, иитээччилэри, бары биир идэлээхтэрбитин, күндү үөрэнээччилэри, педагогическай үлэ бэтэрээннэрин, 2026-2027 үөрэх дьыла саҕаланар Билии күнүнэн улуустааҕы үөрэх салалтатын, педагогическай общественноһын аатыттан истиҥник эҕэрдэлиибин! Бу күн - хас биирдии оҕоҕо, ыалга, үөрэх тэрилтэлэригэр, элбэҕи эрэннэрэр үрдүк үөрүүлээх күн. Быйылгы үөрэх дьыла ураты эппиэттээх кэмҥэ саҕаланар, улууска И.Н. Барахов аатынан 1№-х орто оскуола төрүттэммитэ 150 сылын, улууска үөрэхтээһин төрүттэммит сылларын үөрүүлээхтик түмүктүөхпүт. Быйылгы сылга улуус оскуолаларыгар 246 үөрэнээччи маҥнайгы кылааска киириэ, ону тэҥэ, 176 выпускник 11-с кылааска үөрэниэхтэрэ. Ааспыт үөрэх сыла улууска үөрэхтээһин сайдыытыгар умнуллубат түгэннэри бэлэхтээтэ, ол курдук, улуус оскуолаларын 34 выпускнига үрдүк үөрэххэ киирдэ, манан үрдүк үөрэххэ киирии 24,1% тэҥнэстэ. Үөһээ Бүлүүтээҕи М.А. Алексеев лицей интернатын выпускнигыттан 25 оҕо үрдүк үөрэххэ киирдэ. Уопсайа 59 оҕо. Ааспыт үөрэх сылын түмүгүнэн, Үөһээ Бүлүү улууһа республикаҕа намыһах көрдөрүүлээх улуус ахсааныттан бигэтик тахсары ситистэ. Бу улуус үөрэҕин тэрилтэлэрин түмсүүлээх, боччумнаах үлэлэрин түмүгэ буоларын өрөспүүбүлүкэтээҕи үөрэх үлэһиттэрин атырдьах ыйынааҕы мунньаҕар үрдүк ситиһиинэн бэлиэтээтилэр. Ааспыт үөрэх сылын түмүктэрэ саҥа үөрэх сылыгар үрдүк ситиһиилэри ыларга боччумнаах соруктары туруорда. Бу соруктары чиэстээхтик толорууга улуустааҕы үөрэх салалтата, үөрэх тэрилтэлэрин бары үлэһит коллективтара биир сомоҕо буолан, күүстээх үлэни тэрийэн, улуус кэнчээри ыччатын саҥа кэрдиис кэмҥэ муҥутуур бэлэмнээх таһаарыыга бары күүһүн ууран үлэлииригэр эрэлбит улахан. Ытыктабыллаах билиини – сырдыгы саҕааччы күндү учууталлар, иитээччилэр, убаастабыллаах үөрэнээччилэр, үөрэх салаатын бары үлэһиттэрэ, Эһиэхэ чөл доруобуй туругу, дьиэ кэргэттэргитигэр уйгулаах олоҕу, саҥа үөрэх сыла барыгытыгар уһулуччу ситиһиилээх буоллун! "Үөһээ Бүлүү улууһа" МО үөрэҕин салалтатын начальнига, Юрий Васильевич Кынатов