Район мәдәният йортында медицина хезмәткәрләрен хөрмәтлиләр. "Ак чәчәкләр" бәйгесенә й... — 26 июня 2026 г. в 11:56:03.437
Район мәдәният йортында медицина хезмәткәрләрен хөрмәтлиләр. "Ак чәчәкләр" бәйгесенә йомгак ясала. Чарада район башлыгы Ленар Зарипов та катнаш. "Ак халатлы кешеләр — безнең һәрберебез өчен өмет һәм шәфкатьлелек билгесе. Һәрберебезнең язмышы сезнең һөнәри осталыгыгызга һәм тәҗрибәгезгә бәйле. Сезнең эчкерсез хезмәтегез өчен ихлас күңелдән рәхмәт белдерәм. Соңгы елларда районда медицина үсеше өчен бик күп, гомумән алганда 500 млн сумлык төзекләндерү эшләре башкарыла. Без сәламәтлек саклауның йөзе ничек үзгәрүен күрәбез, һәм бу очраклы түгел – райондашларыбызның сәламәтлеге безнең өстенлекле юнәлешләрнең берсе. Быел стационарда капиталь ремонт башланды. Бу җитди проект, без аны Сез лаеклы шартларда эшли алсын өчен, ә пациентлар уңайлы шартларда сыйфатлы ярдәм алсын өчен гамәлгә ашырабыз. Әмма нинди генә заманча җиһазлар булмасын биналар нинди генә матур төзек булмасын, медицинада бар нәрсә дә сезгә, сезнең хезмәткә, табибларга бәйле..." дип искәртте ул.