🎉 Актанышта Яшьләр көне күңелле бәйрәм рухында узды! — 25 июля 2026 г. в 20:26:55.026
🎉 Актанышта Яшьләр көне күңелле бәйрәм рухында узды! Бүген «Яшьлек» яшьләр үзәге каршындагы мәйданда Яшьләр көненә багышланган бәйрәм чарасы узды. Чараны районның яшьләр эшләре, спорт һәм туризм бүлеге җитәкчесе Айгиз Магданов ачып җибәрде. Ул яшьләрне бәйрәм белән котлап, аларга яңадан-яңа уңышлар, кыю идеяләр һәм зур казанышлар теләде. Бәйрәм дәвамында сәхнәдә яшь талантлар чыгыш ясады, тамашачыларга күтәренке кәеф бүләк итте. Ә кичәнең иң көтелгән мизгеле – популяр җырчы Рөстәм Ассадуллин чыгышы булды. Ул үзенең дәртле җырлары белән бәйрәм кунакларын сөендереп, мәйданга җыелган һәркемгә онытылмаслык эмоцияләр бүләк итте. ✨ Яшьлек – ул мөмкинлекләр, иҗат һәм илһам вакыты! Бәйрәм белән, яшьләр!
960 просмотров