Балаҕан ыйын 12-13 күннэригэр Үөдэй нэһилиэгэр, «Илин Аартык» сылгы баазатыгар, «Ат са... — 13 сентября 2026 г. в 12:59:15.053
Балаҕан ыйын 12-13 күннэригэр Үөдэй нэһилиэгэр, «Илин Аартык» сылгы баазатыгар, «Ат саадах» ат үрдүттэн ох саанан ытыыга аһаҕас регионнааҕы күрэх буолан ааста. Бэлиэтээн этэр буоллахха, бу күрэх Эҥсиэли хочотугар иккис төгүлүн ыытылынна. Күрэскэ Дьокуускай куораттан, Нам, Томпо, Үөһээ Бүлүү, Таатта, Муома, Хаҥалас, Амма улуустарыттан ааттаах-суоллаах спортсменнары тэҥэ саҥа саҕалааччылар эмиэ кыттыыны ыллылар. Бу күн Үөдэй дьоллоох туоната чөл олоҕу тутар, саха төрүт күрэс көрүҥүн, ат үрдүттэн ох саанан ытыы спордун, сэҥээрээччилэрин түмэ тарта.
80 просмотров