Эргиэн бэтэрээнэ Екатерина Васильева аатын үйэтитэр күрэхтэһии
Эргиэн бэтэрээнэ Екатерина Васильева аатын үйэтитэр күрэхтэһии 🏆 Майаҕа тыыл, үлэ, эргиэн бэтэрээнэ, «Бочуот Знага» уордьан кавалера, потребкэпэрээссийэ туйгуна, Мэҥэ Хаҥалас улууһун, Майа сэлиэнньэтин Бочуоттаах олохтооҕо, СӨ Ытык кырдьаҕаһа, улуус «Ытык ыал» бэлиэ хаһаайката Екатерина Егоровна Васильева аатын үйэтитэр аҕам саастаахтарга хабылыкка, хаамыскаҕа улуустааҕы күрэхтэһии ыытылынна. 🫴🎲 Майаттан, Төҥүлүттэн, Хорообуттан, Баатараттан, Бэдьимэттэн, Тиэлигиттэн, Ороссолуодаттан кэлбит күрэхтэһээччилэр 5 бөлөҕүнэн арахсан илин-кэлин былдьастылар. Кэлбит дьону Екатерина Егоровна кыргыттара, сиэннэрэ үөрэ-көтө көрсөн чэйдэттилэр, күрэхтэһии чөмпүйүөннэригэр, призердарыгар, харчынан бириэмийэлэри туттардылар. 🏅 Күрэхтэһии муҥутуур кыайыылаахтарынан дьахталларга Екатерина Попова (Бэдьимэ), эр дьоҥҥо Гаврил Аргунов (Бэдьимэ) буоллулар. Эҕэрдэ нүөмэри хос сиэнэ, гимнастикаҕа иккис юношескай разрядтаах Алёна Шахурдина сонун нүөмэри көрдөрөн спортсменнар биһирэбиллэрин ылла. Екатерина Егоровна 90 сааһыгар тиийэ Үһүс көлүөнэ оскуолатыгар тириэньэр Василий Николаевич Романовка хабылыкка, хаамыскаҕа олус сөбүлээн дьарыктаммыт эбит. Билигин кини аатын оҕолоро, сиэннэрэ үйэтитэллэр, улууска сахалыы төрүт көрүҥнэр сайдалларыгар улахан кылааттарын киллэрэллэр. Сүүмэрдэммит хамаандаҕа кэлэр күрэхтэһиигэ ситиһиилэри баҕарабыт. Элбэх хаартысканы БУ СИГЭНЭН киирэн көрүҥ ⬅️ Екатерина Попова. @gazetaerkeii @ulusmedia
Канал в каталоге Максиметера
312 подписчиков · Спорт