Алтынньы 10 күнүгэр Дьокуускай куоракка, Орджоникидзе уулуссатын 46/2 Утум + тэрилтэ Сп...
Алтынньы 10 күнүгэр Дьокуускай куоракка, Орджоникидзе уулуссатын 46/2 Утум + тэрилтэ Спортивнай саалатыгар Российскай Федерация уонна Саха сирин доруобуйа харыстабылын туйгуна, спорт бэтэрээнэ Герасимова Антонина Прокопьевна 80 сааһыгар аналлаах 60-тан аҕа саастаах бэтэрээннэргэ остуол тенниһигэр аһаҕас республиканскай турнир ыытылынна. Дьокуускай куораттан уонна Саха сирин 12 улуустарыттан барыта 52 бэтэрээн теннисистэр кыттыыны ыллылар. Дьахталларга 60-69 саастаахтарга 19, 70 уонна аҕа саастаахтарга 8 кыттааччы. Эр дьоҥҥо 65-74 саастаахтарга 16, 75 уонна аҕа саастаахтарга 9 кыттааччы. Дьахталларга саамай аҕа саастаахтара Кудаисова Мария Афанасьевна 80 саастаах Бэрдьигэстээх. Эр дьоҥҥо Хлебников Валерий Николаевич 83 саастаах Дьокуускай куорат. Күрэхтэһии спонсордара: "Утум +" тэрилтэ, генеральнай директор Карамзин Г.О., ТПК "Комелек", директор Григорьева О.Г., Саха сирин остуол тенниһин Федерацията, Президент Максимов П.Ф., Саха сирин физическэй культураҕа уонна маассабай спорка управлениета салайааччы Оконешников Р.И., "Бүлүү кэскилэ" Бүлүү улууһун түмсүүтэ, Антонина Прокопьевна аймахтара, табаарыстара, тенниһи таптааччылар. Күрэхтэһии сүрүн судьята остуол тенниһигэр бүтүн Россиятааҕы категориялаах судья Алексеев А.А., сүрүн сэкирэтээр 1 категориялаах судья Турнина Р.М.