Аҕа дойдуну көмүскээччилэр күннэригэр Арассыыйаҕа норуоттар сомоҕолоһууларын сылын чэр... — 2 марта 2026 г. в 02:02:53.369
Аҕа дойдуну көмүскээччилэр күннэригэр Арассыыйаҕа норуоттар сомоҕолоһууларын сылын чэрчитинэн Сулҕаччы нэһилиэгин тэрилтэлэрин икки ардыларыгар строевой хаамыыга уонна гражданскай оборонаҕа аналлаах күрэх сүрдээх көхтөөхтүк буолан ааста. Күрэххэ кыттыыны нэһилиэк түөрт холбоһуктаах тэрилтэлэрэ 12-лии киһилээх хамаанда тэринэн кыттыыны ыллылар. Ол курдук И.И. Константинов-Дэлэгээт Уйбаан аатынан Сулҕаччы орто оскуолата (хамандыыр Сардана Христофорова), Сулҕаччытааҕы тыа сирин түөлбэтин дьаһалтатын уонна Х. Маскимов аатынан культура уонна сынньалаҥ киинин холбоһуктаах хамаандата (хамандыыр Иннокентий Борисов), Сулҕаччытааҕы “Чычып-чаап” уһуйаан уонна ОДьКХ холбоһуктаах хамаандата (хамандыыр Юрий Ефремов), кыра тэрилтэлэр, аҕам саастаахтар уонна ИП-лар холбоһуктаах хамаандалара (хамандыыр Егор Оконешников). Күрэх судьуйаларынан Алексей Никифоров, Василий Неустроев, Владислав Неустроев үлэлээтилэр. Хамаандалар биэс түһүмэххэ күөн көрүстүлэр, бастыҥы быһаарыстылар. Ол курдук бастакы түһүмэххэ строевой хаамыы, ырыа уонна стройга туран араас хамаандалары сөпкө толоруу, иккис түһүмэххэ бириэмэҕэ автоматы ыһыы-хомуйуу, үс түһүмэххэ пневмоавтоматынан сыал ытыыта, төрдүс түһүмэх гаас утары маасканы (противогазнай) бириэмэҕэ кэтии-хомуйуу, бэһис түһүмэх аармыйаҕа уонна гражданскай оборонаҕа сыһыаннаах тест толоруу буолла. Хас күрэх аайы хамаандаттан 4-түү киһи, ол эбэтэр 2 дьахтар, 2 эр киһи кытынна. Уопсай түмүккэ 5 көрүҥтэн 3-гэр бастаан Сулҕаччытааҕы тыа сирин түөлбэтин дьаһалтатын уонна Х. Маскимов аатынан культура уонна сынньалаҥ киинин холбоһуктаах хамаандата 1-кы миэстэ, кыра тэрилтэлэр, аҕам саастаахтар, ИП-лар уо.д.а. холбоһуктаах хамаандалара 2-с миэстэни, Сулҕаччытааҕы “Чычып-чаап” уһуйаан уонна ОДьКХ холбоһуктаах хамаандата 3-с миэстэни ыллылар. И.И. Константинов-Дэлэгээт Уйбаан аатынан Сулҕаччы орто оскуолатын хамаандата биһирэбил бирииһи тутта. Бу курдук Аҕа дойду көмүскээччилэрин күнүн көрсө ыытыллыбыт тыҥааһыннаах күрэххэ элбэх киһи кыттыыны ылан бэрт көхтөөхтүк уонна сэргэхтик ааста. Олунньу 6 кунугэр, Сулҕаччы нэһилиэгин тэрилтэлэрин икки ардыгар "Доҕордоһуу оонньуута" волейбол күрэҕэ буолан ааста I. - Оскуола II. - Адм, Клуб III. - ЖКХ, Детсад