Ыам ыйын 27 күнүгэр Сунтаар нэһилиэгин олохтоох дьаһалтатын уонна общественнай хамсыыһы... — 28 мая 2026 г. в 10:41:14.918
Ыам ыйын 27 күнүгэр Сунтаар нэһилиэгин олохтоох дьаһалтатын уонна общественнай хамсыыһын "Харысхал" дружинниктара көҕүлээн аан бастакытын "Безопасный велосипед" профилактическай акция тэрийдилэр. Тэрээһин Сунтаар нэһилиэгин олохтоох дьаһалтатын баһылыгын солбуйааччы Семен Николаев эҕэрдэ тылынан арылынна, ис дьыала госавтоинспекция отделын инспектора младший лейтенант Артем Едисеев кэлэн велосипедынан сылдьыы, суолга сэрэхтээх буолуу быраабылатын билиһиннэрдэ. Кэлбит кыттааччылар хамаандаҕа арахсан үс араас тургутуктары аастылар: суол бэлиэлэригэр бириэмэҕэ пазл таҥан, тугу бэлиэтиирин кэпсээтилэр, 10 хоруйдаах ыйытыкка эппиэттээтилэр, ону тэҥэ үс араас көрүҥҥэ велосипедынан сорудахтары толордулар. Практичекай сорудаҕы дружинник Семен Ершов көрдөрөн, быһааран биэрдэ. Түмүккэ ким быраабыланы билэр ол кыайыылаах буолла, минньигэс бэлэҕинэн, грамотанан наҕараадаланнылар. Сонуну суруйда: Л. Тертюхова