Сунтаар нэһилиэгин дьаһалтатын уонна тус бэйэм ааппыттан, ытыктыыр киһибит, Ил Түмэн I,... — 28 мая 2026 г. в 12:54:34.171
Сунтаар нэһилиэгин дьаһалтатын уонна тус бэйэм ааппыттан, ытыктыыр киһибит, Ил Түмэн I, II, III, IV, V созывтарыгар норуот депутата, РСФСР, СССР норуотун үөрэҕириитин туйгуна, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Гражданская доблесть», «Парламент России», Учитель учителей РС(Я) знактар туһааннаахтара, «За заслуги перед Отечеством» II степеннээх орден, «Совет Федерации 15 лет» мэтээл хаһаайына, Сунтаар уонна Анаабыр улуустарын бочуоттаах олохтооҕо УАРОВ АЛЕКСАНДР СЕРГЕЕВИЧ 79 сааһыгар орто дойду олоҕуттан туораабытынан кэргэнигэр Лидия Кирилловнаҕа, кыыһыгар Кира Александровнаҕа, аймахтарыгар, сиэннэригэр, доҕотторугар дириҥ кутурҕаммытын биллэрэбит. Александр Сергеевич 1948 сыллаахха муус устар 16 күнүгэр Саха АССР Сунтаар улууһун Бордон нэһилиэгэр төрөөбүтэ. 1971 сыллаахха А.И. Герцен аатынан Ленинградтааҕы педагогическай университет физикаҕа факультетын, 1994 сыллаахха – Алма-Атаҕа дойдулар икки ардыларынааҕы экономика, менеджмент уонна прогнозирование институтун бүтэрбитэ. 1971-1990 сылларга Тойбохой уонна Анаабыр оскуолаларыгар физика учууталынан, завуһунан, директорынан үлэлээбитэ. 90–с сылларга Анаабырга райсовет бэрэссэдээтэлин солбуйааччытынан, улуус баһылыгын солбуйааччытынан, райсовет бэрэссэдээтэлинэн таһаарыылаахтык үлэлээбитэ. Александр Сергеевич 1993-2018 сылларга СӨ норуотун депутатынан, СӨ Ил Түмэҥҥэ, бюджет уонна хонтуруоллуур комитет бэрэссэдээтэлинэн үлэлиир кэмнэригэр, Сунтаар нэһилиэгин уонна улууһун, Саха сирин социальнай-экономическай сайдыытыгар, сокуон таһаарар үлэтигэр уонна норуот олоҕун тупсарыыга бэйэтин сүҥкэн кылаатын киллэрбитэ умнуллуо суоҕа, аата ааттана туруоҕа. Сунтаар нэһилиэгин баһылыга Э.Е. Филиппов 28.05.2026 с.