🌿Сааскы хомунуу, ыраастаныы үлэтэ🌿 — 30 мая 2026 г. в 06:48:44.800
🌿Сааскы хомунуу, ыраастаныы үлэтэ🌿 Ыам ыйын 28-29 күннэригэр Гражданскай оборона (ГО) чэрчитинэн нэһилиэк үрдүнэн сылын аайы ыытыллар хомунуу, ыраастаныы (санитарнай очистка) субуотунньуга үрдүк таһымнаахтык буолан ааста. Бу үлэни нэһилиэк баһылыга Эдуард Филиппов уонна дьаһалта үлэһиттэрэ былааннаахтык хонтуруоллаан ыыттылар. Субуотунньукка Сунтаар нэһилиэгин тэрилтэлэрэ, улуус дьаһалтата, оскуолалар, уһуйааннар үлэһиттэрэ, түөлбэлэр олохтоохторо бары биир киһи курдук күргүөмнээхтик, таһаарыылаахтык үлэлээбиттэрин бэлиэтиир наадалаах. Тэрилтэлэр эрдэттэн тыырыллыбыт сирдэрин хомуйдулар. Сэлиэнньэ иһигэр мунньуллубут бөҕү 5 камаз массыына, 3 покрузчик быыстала суох тастылар. Икки күн иһигэр элбэх объемнаах бөх-сыыс хомулунна. Быйыл улууспут төрүттэммитэ 225 сылыгар аналлаах Ыһыах буолар, онон паарканы, нэһилиэги бу субуотунньукка чөлүгэр түһэрэр үлэ барда. Эдуард Филиппов бэлиэтээбитинэн - быйыл ыраастаныы үлэтигэр нэһилиэк тэрилтэлэрэ бары биир курдук эйиэнэ-миэнэ диэбэккэ Сунтаарбыт туһугар таһаарыылаахтык үлэлээтилэр. Нэһилиэкпит олоҕор-дьаһаҕар куруук күүс-көмө буолар тэрилтэлэри бэлиэтии этэ. Ол курдук: Сунтарцеолит, Ростелком, РЭС, ГУП ЖКХ Сунтаардааҕы филиала, Быыһыыр сулууспа, Баһаарнай чаас, ЖКС, Авиалесохрана, Лесресурс, Оскуолалар, Колледж, Сунтаравтодор уонна биирдиилээн үтүө санаалаах Сунтаар урбаанньыттара. Нэһилиэкпит иһин ыраастык тутуу үлэтэ салҕанан бара туруо, хас биирдии олохтоох дьиэтин тэлгэһэтиттэн саҕалаан, төрөөбүт Сунтаарын харыстаан, хомуйан чэбэрдик тутуо диэн эрэнэбит. Сунтаар нэһилиэгин дьаһалтата 30.05.2026 с.