Саха сиригэр медицинскэй тэрилтэлэр уматык саппааһынан толору хааччылыннылар — 15 июля 2026 г. в 07:16:44.748
Саха сиригэр медицинскэй тэрилтэлэр уматык саппааһынан толору хааччылыннылар Өрөспүүбүлүкэ медицинскэй тэрилтэлэрэ нэһилиэнньэҕэ тохтоло суох медицинскэй көмөнү оҥороллоругар уматыгынан толору хааччылыннылар. Бу туһунан СӨ Доруобуйа харыстабылын министиэристибэтэ иһитиннэрэр. Медицинскэй тэрилтэлэри түһэрсиллибит хантыраактарынан уматык-оҕунуох матырыйаалларынан хааччыйаллар. Баар уматык кээмэйэ медицинскэй тэрилтэлэр үлэлэригэр тиийэр. Уматыгынан хааччыйыыга СӨ Доруобуйа харыстабылын министиэристибэтин иһинэн суһал штаб үлэлиир. Төгүрүк суукка устата уматык саппааһын уонна графигын кэтииллэр. Ол иһин медицинскэй тэрилтэлэр уматыгынан хааччыллыыларыгар сөптөөх быһаарыыны суһаллык ылынарга төһүү буолар. Ньиэп бородууктатыгар киирбит хааччахтар кэмнэригэр доруобуйа харыстабыла уматыгынан хааччыйыыга биир тутаах хайысха буолар.