Саха сиригэр 170 тиэргэн уонна 77 дьиэ ууга баран турар — 23 июля 2026 г. в 04:21:38.392
Саха сиригэр 170 тиэргэн уонна 77 дьиэ ууга баран турар Өлүөхүмэ, Сунтаар, Эбээн Бытантай улуустарыгар төһө даҕаны уу таһыма түспүтүн иһин сорох дьиэлэр, тиэргэннэр ууга былдьанан тураллар – 170 тиэргэн уонна 77 дьиэ. СӨ Быыһыыр сулууспата иһитиннэрэринэн, Өлүөхүмэҕэ Өлүөнэ өрүскэ уу таһыма 995 см диэри намтаабыт (12 чаас иһигэр 26 см аччаабат), куттааллаах кирбии — 1060 см. Ааспыт ардах халааныттан 17 тиэргэни уонна биир дьиэни уу ылан турар. Сунтаар улууһугар уу таһыма намтаабытын да үрдүнэн балаһыанньа уустук: 150 тиэргэн ууга былдьаммыт, ол иһигэр 76 дьиэ. Кэмпэндээйи, Туойдаах, Тэҥкэ сэлиэнньэлэринэн айан суоллара алдьаммыттар. Эбээн Бытантай улууһугар бары нэһилиэнньэлээх пууннарга уу таһыма намтаабыта бэлиэтэнэр. Баатаҕай Алыыта сэлиэнньэтигэр уопсайа 24 тиэргэн ууга барбыт, мантан 22-тэ ууттан босхоломмут. Саккырыырга аэропорт заправката уонна тиэхиньикэлэр турар сирдэрэ ууттан босхолоно иликтэр. Кустуурга уонна Дьарҕалаахха ууга барбыт сирдэртэн улаханыттан уу барбыт.