"Норуот күүһэ - көмүөл күүһэ" — 27 июля 2026 г. в 04:19:22.845
"Норуот күүһэ - көмүөл күүһэ" От ыйыттан саҕалаан тохтоло суох ардахтаан улахан хоромньуну оҥордо. Нэһилиэк иһэ, дьиэлэр, дьон олордубут үүнээйитэ, Тумуһукаан күөлэ, оттуур ходуһалар ууга бардылар. От ыйын 19 күнүттэн саҕалаан улуус үрдүнэн ыксаллаах быһыы биллэриллибитэ. Нэһилиэк дьаһалтата ууга барбыт дьоннору, суоллары, биэрэк кытыытын ирдэбиллэнэр акт оҥорбуттара. Нэһилиэк баһылыга Эдуард Филиппов Сунтаарга үлэлиир тэрилтэлэри кытта кэпсэтэн, көмө көрдөһөн эппитигэр, уу содулун туоратарга ким даҕаны туора турбата. Ол курдук ООО "Сунтаравтодор" салайааччы Тен Дмитрий Дмитриевич, ООО "Главстройкомплекс" салайааччы Исаев Анатолий Эдуардович эксковатор, уонна атын техника биэрэннэр хоруу-ханааба хаһарга, уу ыытарга улахан көмө оҥордулар. "Главстройкомплекс" эксковатора бу күннэргэ бэйэтин үлэтиттэн быыс булан көмөлөһө сылдьар. Бүгүн Миирнэй куораттан уу ыытар улахан турбалар кэллилэр, онно ООО "ВИД" сал. Игнатьев Альберт Владимирович массыына булан биэрэн көмөлөстө, аҕалбыт суоппар Күндэйэ уола Прокопьев Семен Семенович буор-босхо аҕалла. Сити курдук бары бииргэ түмсэн ылыстахпытына ыарахан кэмнэри этэҥҥэ аһыахпыт диэн эрэллээхпит. Сунтаар нэһилиэгин дьаһалтата 27.07.2026 с.