Балаҕан ыйын 3-с күнүгэр милитаристскай Японияны Кыайыы уонна Аан Дойду Иккис сэриитэ т... — 3 сентября 2026 г. в 06:00:17.448
Балаҕан ыйын 3-с күнүгэр милитаристскай Японияны Кыайыы уонна Аан Дойду Иккис сэриитэ түмүктэммит күнэ. Бүгүн Бэрдьигэстээх бөһүөлэгэр Үйэлээх уот мемориалыгар сибэкки дьөрбөтүн уурдубут. Сэрии хонуутугар охтубут буойуттарбытыгар, кыргыһыы хонуутуттан төннүбэтэх дьоммутугар, бэтэрээннэрбитигэр, тыыл үлэһиттэригэр уонна сэрии ыар сылларын санныларыгар сүкпүт бар дьоммутугар дириҥ ытыктабылбытын биллэрдибит. 1945 сыл балаҕан ыйын 2 күнүгэр Аан Дойду Иккис сэриитэ түмүктэммитин, Япония капитуляциялаабытын туһунан сурук баттаммыта. Балаҕан ыйын 3 күнүгэр сэбиэскэй хаһыаттарга Иосиф Сталин Японияны кыайбыппытын туһунан норуокка ыҥырыыта бэчээттэммитэ. Саха сирэ Улуу Кыайыыга бэйэтин сүҥкэн кылаатын киллэрбитэ: тыһыынчанан биир дойдулаахтарбыт Аҕа дойду көмүскэлигэр фроҥҥа аттаммыттара, оттон тыылга хаалбыт дьон хоргуйууну, тоҥууну аахсыбакка, Кыһыл Аармыйаны бары наадалааҕынан хааччыйан, дьаныардаахтык үлэлээбиттэрэ. Биһиги ытык иэспит — кинилэр хорсун быһыыларын кэриэстээн, көлүөнэттэн көлүөнэҕэ тиэрдэн, Дьоруойдар албан ааттара, Улуу Кыайыы устуоруйата саха дьонун сүрэҕэр букатыннаахтык хааларын ситиһии. https://max.ru/channel_PetrShamaev