Күнүм олус таһаарыылаахтык ааста — араас хайысханан түөрт көрсүһүүнү ыыттым. Хас биирди... — 2 сентября 2026 г. в 11:03:16.022
Күнүм олус таһаарыылаахтык ааста — араас хайысханан түөрт көрсүһүүнү ыыттым. Хас биирдии көрсүһүү биһиги өрөспүүбүлүкэбит дьонун-сэргэтин, дьиэ кэргэттэрин, үлэтин-хамнаһын уонна инники кэскилин кытары сибээстээх буолла. 🔹Үлэ уонна социальнай сайдыы министиэристибэтин уонна нэһилиэнньэ дьарыктаах буолуутун киинин үлэһиттэрин кытары, эдэр дьон төрөөбүт сирдэригэр хаалан, манна үлэлээн-хамнаан, ыал буолан, оҕо төрөтөн, инники кэскиллэрин өрөспүүбүлүкэни кытары ситимнииллэригэр сөптөөх усулуобуйаны тэрийии туһунан дьүүллэстибит. 🔹Өрөспүүбүлүкэтээҕи 1-кы нүөмэрдээх балыыһа быраастарын кытта көрүстүм. Балыыһа медицинскэй оборуудобанньаннан, аныгы тутууларынан уонна коммунальнай өттүнэн хааччыллыытын, ону сэргэ исписэлиистэргэ олорор дьиэннэн уонна социальнай инфраструктураннан хаачыллыыларын ырытыстыбыт. Быраастар өрөспүүбүлүкэҕэ үлэлии эрэ буолбакка, олохсуйа хаалалларыгар сөптөөх усулуобуйа тэриллиэхтээҕин тоһоҕолоотулар. 🔹Өрөспүүбүлүкэтээҕи ипотека ааҕыныстыбатыгар дьиэ-уот тиийимтиэ буолуутун көтөхтүбүт. Эдэр исписэлиистэр ыал буолан, оҕонуохтарын баҕараллар эрээри, дьиэ куортамын сыаната үрдүгэ харгыс буолар. Онон дьиэ атыылаһарга бастакы хардыыны оҥорорго көмөлөһөр дьаһаллар наадалар. 🔹Күнүм Хатас нэһилиэгин олохтоохторун кытары көрсүһүүнэн түмүктэннэ. Манна байыастарбыт дойдуларыгар төннөн баран, эйэлээх олоххо түргэнник киирэллэригэр өйөбүл, туһаннаах тутуулар уонна үлэ миэстэтин тэрийии туһунан кэпсэттибит. Оҕолорбут тупсаҕай эйгэҕэ улааталлара, үөрэнэллэрэ, успуордунан дьарыктаналлара уонна инникилэрин эрэллээхтик көрөллөрө — сүрүн сорукпут. Көрсүһүү кэмигэр араас боппуруостары таарыйдыбыт, ол эрэн уопсай сорук биир — дьон олоруон, үлэлиэн, инники кэскилин төрөөбүт өрөспүүбүлүкэтин кытары ситимниэн баҕарар усулуобуйатын салгыы тэрийии буолар. Онон салгыы үлэлиэхпит! https://max.ru/channel_PetrShamaev