Күһүҥҥү ГО (гражданская оборона) үлэтэ — 4 сентября 2026 г. в 11:19:51.311
Күһүҥҥү ГО (гражданская оборона) үлэтэ Балаҕан ыйын 3 күнүгэр олохтоох дьаһалта көҕүлээһининэн сылын аайы ыытыллар ГО (гражданская оборона) чэрчитинэн нэһилиэк суолларын чөлүгэр түһэрии үлэтэ ыытылынна. Былаан быһыытынан үлэ Бартыһаан өттүгэр уонна эрдэ киирбит заявкаларынан нэһилиэк уонна улуус депутаттара (Ероскумов Роман, Михайлов Александр, Васильев Николай, Тарасов Иван, Ордахов Арнольд уонна Макарова Жанна) үлэни тэрээһиннээхтик ыыттылар. Уопсайынан: 18 массыына гравий таста, 123 рейс оҥоһулунна, икки бульдозер, икки экскаватор, түөрт погрузчик үлэлээтилэр, үс грейдер суолу тэҥнээтилэр. Бу тэрээһиҥҥэ кыттыыны ыллылар Сунтаар нэһилиэгин тэрилтэлэрэ: (Сунтарцеолит, ГУП ЖКХ, ЖКС, МАУ Сунтар, КСК Абаҕа, Колледж, Аэропорт, Водоканал, Главстройкомплекс) уонна техникалаах урбаанньыктар (Кардашевский С.П., ИП Назаров Денис., Кузнецов, Данилов М.Г., Тарасов И.И., Окс А.Ю. уонна д.а.). Дьаһалта кэрэ аҥаардара субуотунньук үлэһиттэригэр минньигэс күнүскү уонна киэһээҥҥи ас астаан аһаттылар. ГО түмүгүнэн нэһилиэк баһылыга Эдуард Филиппов үлэҕэ кыттыбыт дьоҥҥо барҕа махталын тириэрдэр. Ардах түһэн мэһэйдээн, ГО иккис күнэ атын күҥҥэ көстө. «Сунтаар нэһилиэгэ» ТС дьаһалтата 04.09.2026 с.