*Ытыктабыллаах Сунтаар нэһилиэгин олохтоохторо, күндү быыбардааччылар!*
*Ытыктабыллаах Сунтаар нэһилиэгин олохтоохторо, күндү быыбардааччылар!* Улахан эппиэтинэстээх үс күннээх Государственнай Дума быыбара түмүктэммитинэн барыгытын эҕэрдэлиибин. Дьоһун суолталаах улахан быыбарга көхтөөхтүк кыттыбыт нэһилиэгим дьонугар бука барыгытыгар барҕа махтал буоллун! Быыбар тэрээһинигэр уонна кэһиитэ суох барыытыгар үлэлээбит эппиэтинэстээх дьоҥҥо, нэһилиэк тэрилтэлэрин салайааччыларыгар, коллективтарыгар, Сунтаарбыт 6 түөлбэтин салайааччыларыгар уонна активтарыгар улахан махталбын этэбин. Нэһилиэк үрдүнэн быыбарга 3557 киһи куоластааһыҥҥа кытынна. 1639 куоластаабыт дьон 46,08 %-на «Биир Ньыгыл Россия» партияны, биир мандааттаах уокурук кандидатыгар Петр Шамаевка 43,90% – 1561 киһи куолаһын биэрэн өйөөтө. Бу, мин санаабар, үчүгэй көрдөрүү. Дьоммут-сэргэбит дойду балаһыанньатын сөпкө өйдөөн, «Биир Ньыгыл Россия» партияны уонна Петр Шамаев кандидатуратын өйөөтүлэр. Сунтаарым нэһилиэгин олохтоохторо, быыбарга көхтөөх кыттыыгыт, өйөбүлгүт, итэҕэлгит иһин өссө төгүл махтанабын, чэгиэн туругу, этэҥҥэ буолууну баҕарабын. Эдуард Филиппов, Сунтаар нэһилиэгин баһылыга