Бүгүн, балаҕан ыйын 20 күнүгэр, Саха Өрөспүүбүлүкэтин Ветераннарын сэбиэтин 40 сыллаах ...
Бүгүн, балаҕан ыйын 20 күнүгэр, Саха Өрөспүүбүлүкэтин Ветераннарын сэбиэтин 40 сыллаах үбүлүөйүн чэрчитинэн, Өрөспүүбүлүкэ Ветераннарын сэбиэтин Знамятын эстафетата Сунтаар нэһилиэгиттэн Хадан нэһилиэгэр үөрүүлээх быһыыга-майгыга туттарылынна. Үбүлүөйнэй Знамяны Сунтаар нэһилиэгин Ветераннарын сэбиэтин бэрэссэдээтэлэ Наталия Софроновна Кокарева Хадан нэһилиэгин Ветераннарын сэбиэтин бэрэссэдээтэлин солбуйааччытыгар, сэрии тулаайаҕар Владимир Степанович Архиповка үөрүүлээх быһыыга уонна дохсун ытыс тыаһын ортотугар туттарда. Үөрүүлээх түгэҥҥэ кыттыыны ыллылар Сунтаартан дьокутааттар Сэбиэтин бэрэссэдээтэлэ Р. В. Ероскумов, баһылык солбуйааччыта С. А. Николаев, ону кытта Хадан нэһилиэгин баһылыга А. Н. Оконешников, Хадан орто оскуолатын дириэктэрэ В. Н. Нахов, кулууп дириэктэрэ Яна Дьулустановна уонна актыбыыс-ветераннар О. Г. Архипов, Л. А. Архипова кыттыыны ыллылар, истиҥ эҕэрдэ тыллары эттилэр уонна өйдөбүнньүк хаартыскаҕа түстүлэр. Хадан нэһилиэгин дьаһалтата 20.09.2026 с.