Ытыктабыллаах учууталлар, педагогическай үлэ бэтэрээннэрэ уонна үөрэҕэрии эйгэтин үлэһи...
Ытыктабыллаах учууталлар, педагогическай үлэ бэтэрээннэрэ уонна үөрэҕэрии эйгэтин үлэһиттэрэ!🌿🌿🌿 «Сунтаар нэһилиэгэ» тыа сирин дьаһалтатын уонна нэһилиэк Сэбиэтин депутаттарын ааттарыттан эһигитини Учуутал күнүнэн ис сүрэхпититтэн итиитик-истиҥник эҕэрдэлиибит! Учуутал – хас биирдии киһи олоҕор ураты суолу хаалларар ытык-мааны киһи. Биһиги, сиппит-хоппут дьон, оскуолаҕа ииппит-үөрэппит дьоммутун махтана ахтабыт-саныыбыт. Олус эппиэтинистээх, уустук, ол эрээри саамай наадалаах, сырдыгынан сыдьаайар айар-тутар үлэҕит олохпут сүрүн хайысхата. Сыралаах үлэҕит өссө үрдүк ситиһиилээх, таһаарыылаах буоллун. Үгүс үөрүүлээх күн, кыһамньылаах үөрэнээччи, махталлаах төрөппүт тулагытыгар баар буоллун. Хас биирдиигитигэр чэгиэн-чэбдик буолууну, тускулаах олоҕу уонна айымньылаах өрө көтөҕүллүүнү баҕарабыт! Үөрэнээччилэргит үрдүк ситиһиилэринэн уонна билиигэ тардыһыыларынан эһигини мэлдьи үөрдэ турдуннар!🌿🌿🌿 Эҕэрдэлээн туран, Эдуард Филиппов Сунтаар нэһилиэгин баһылыга