👵🏻👴👨🏼🦳🧓🏼👵🏻«*Мы дети СССР*» аҕам саастаахтар декадаларын чэрчитинэн алтынньы ...
👵🏻👴👨🏼🦳🧓🏼👵🏻«*Мы дети СССР*» аҕам саастаахтар декадаларын чэрчитинэн алтынньы ый 7 күнүгэр Сунтаар нэһилиэгин олохтоох дьаһалтатын, "Партизан" норуот айымньытын киинин кэллэктииибтэрэ көҕүлээн, бэрт интириэһинэй, биир умнуллубат күнү убаастыыр, ытыктыыр аҕам саастаахтарбытыгар бэлэх ууннубут. Саалга мустубут эрэ бары сойуус кэминээҕи киэргэтиини сэҥээрэн, астынан хаартыскаҕа хатаннылар. Бэтэрээннэрбит уруккуну санаан пионер таҥастанан, барабан, горн, былаах тутуурданан параадтаан киирбиттэрэ бэрт көстүү буолла, сойуус гиимнэ тыаһаан барыларын долгутта. Тэрээһин үөрүүлээх чааһын Сунтаар нэһилиэгин баһылыгын солбуйааччы Семен Николаев эҕэрдэ тылынан арыйда, күрэхтэһиигэ ситиһиини баҕарда. Улуус бэтэрээннэрин сэбиэтин бэрэссэдээтэлэ Афанасий Кириллович тыл этэн, аҕам саастаахтары дьиэҕэ олорон хаалбакка хас биир буолар тэрээһиҥҥэ көхтөөхтүк кытталларын хайҕаан, быйылгы ситиһиилэринэн үллэстэн, барыларыгар махтанан туран кытаанах доруобуйаны баҕарда. Нэһилиэк бэтэрээннэрин сэбиэтин бэрэссэдээтэлэ Наталия Софроновна бырааһынньыгынан эҕэрдэлээн, күрэскэ кытта кэлбит бэтэрээннэргэ ситиһиини, дуоһуйууну, кыайыыны баҕарда. Нэһилиэк биир убаастыыр ытык кырдьаҕаһа, активнай позициялаах Владимир Гаврильевич Петров КПРФ партия, тус бэйэтин аатыттан кырдьаҕастары бырааһынньыгынан эҕэрдэлээтэ. Урукку, сэбиэскэй кэми санаан-ахтан, сарсыардааҥҥы хамсаныыны Туйаара Горохова иилээн-саҕалаан ыытта. Спартакиада сүрүн судьуйата Александр Михайлов сэттэ көрүҥҥэ күрэс буоларын билиһиннэрдэ, быһаарда. Сойуус былааҕа, 80-сыллааҕы историяҕа киирбит олимпийскэй Миискэ бэлиэтэ үөһээ күөрэйэн күрэһи арыйдылар. Бу түгэн хас биир бэтэрээҥҥэ олус суолталаах буолан "олорон ааспыт олохпут киинэ лиэнтэтинии көстөн, дууһалыын долгуйан, кыратык ытамньыйан да ылбыт түгэннэрбит бааллар" диэн олус астыммыт харахтар, манньыйбыт сирэйдэр санааларын этиннилэр. Ким ханнык көрүҥҥэ суруйтарбытынан тарҕаһан күрэх саҕаланна. Корнхол, дартс, остуол тиэниһэ, шашки, шахмат, оҕунан ытыы, остуол оонньуулара хабылык, хаамыска эр киһи, кэрэ аҥаар буолан арахсан ким бэлэмнээҕин, күүстээҕин иһин кииристилэр. Күрэх түмүгүнэн кыайыылаахтарга мэтээл, грамота туттарылынна. Хас биир күрэх дьүүллүүр сүбэтигэр баһылык Эдуард Филиппов аатыттан махтал сурук туттарылынна. Үөрүү-көтүү аргыстаах олус кырасыабай, минньигэс остуолга олорон итии чэй иһэн, ас амтаннааҕын аһыы, аһыы викториналаан, оонньоон, үҥкүүлээн тэрээһиммитин түмүктээтибит. Олус долгутуулаах, умнуллубат түгэни бэлэхтээбит тэрээһин кыттыылаахтарыгар, бэтэрээннэрбитигэр махтанан туран өссө төгүл доруобуйаны, уһун дьоллоох олоҕу баҕарабыт. Маннык активнай позицияҕытын ыһыктыбакка өрүү кытта туруҥ диэн баҕа санаабытын этэбит.💐💐💐 Сонуну суруйда: Людмила Т. 07.10.2026 сыл