Алтынньы 14 күнүгэр, В.Г. Павлов аатынан Сунтаар алын сүһүөх оскуолатыгар 1-2 кылаас үө...
Алтынньы 14 күнүгэр, В.Г. Павлов аатынан Сунтаар алын сүһүөх оскуолатыгар 1-2 кылаас үөрэнээччилэр икки ардыларыгар "Көрдөөх ооньуулар" диэн күрэх ыытылынна 🏀🏓⛳️ Бу тэрээһин оҕолорго доруобуйаны, чэбдик олоҕу, түргэни, сымсаны уонна биир кэлим буолууну иҥэриигэ туһуланна. Оҕолор барыта 5 араас көрүҥҥэ күрэхтэстилэр. Хас биирдии күрэх оҕолор саастарыгар сөп түбэһиннэрэн оҥоһуллубут, кырачааннар интэриэстэрин тардар, оонньуу быһыытынан ыытылынна. Кыттыылаахтар сүүрүүгэ, ыстаныыга, мээчиктэри таһыыга уонна эстафетаҕа биир кэлим буолан, бэйэ-бэйэлэрин өйөһөн күрэхтэстилэр. Оҕолор хас биирдии түһүмэххэ күүскэ бэлэмнэммиттэрин уонна улахан баҕалаахтарын көрдөрдүлэр. Оҕолорго улахан көмөнү уонна өйөбүлү кинилэр төрөппүттэрэ оҥордулар. Спорт саалатыгар мустубут ийэлэр, аҕалар, эбэлэр уонна эһэлэр оҕолорун хас биирдии хамсаныыларыгар ытыс таһынан, үөрэн-көтөн, тылларынан кытта өйөөн, улахан атмосфераны тэрийдилэр. Бу, төрөппүттэр көхтөөх кыттыылара уонна истиҥ өйөбүллэрэ, оҕолорго өссө күүс-күдэх эбэн биэрдэ. Күрэх түмүгүнэн, маҥнайгы кылаастар икки ардыларыгар миэстэлэр маннык үллэһилиннилэр: • 1 миэстэ - 1 «Б» кылаас (кыл. сал. Матросова Ю.С.) 🥇 • 2 миэстэ - 1 «А» кылаас (кыл. сал. Петрова С.А.) 🥈 • 3 миэстэ - 1 «В» кылаас (кыл. сал. Матвеева Р.С.) 🥉 Иккис кылаастар икки ардыларыгар эмиэ күүстээх киирсии буолла: • 1 миэстэ - 2 «Д» кылаас (кыл. сал. Потапова Н.С.) 🥇 • 2 миэстэ - 2 «В» кылаас (кыл. сал. Михайлова Т.Д.) 🥈 • 3 миэстэ - 2 «Г» кылаас (кыл. сал. Калачикова А.С.) 🥉