Оскуолабытыгар алтынньы 15 кунугэр Аҕалар декадаларын чэрчитинэн олус интэриэһинэй уонн...
Оскуолабытыгар алтынньы 15 кунугэр Аҕалар декадаларын чэрчитинэн олус интэриэһинэй уонна туһалаах тэрээһин буолла. Бу тэрээһини оскуолабыт советнига Олесова Елена Алексеевна уратытык толкуйдаан, салайан ыытта. Улахан кылаас уолаттарыгар анаммыт тэрээһин «Эр киһи албастара» диэн ааттанна. Оскуолабыт эр дьонноро бэйэлэрин сатабылларын уолаттарга бэрт судургутук көрдөрдүлэр, үөрэттилэр. Уолаттар бөлөхтөргө арахсан, «вертушка» ньыматынан хас биирдии станцияны кэрийэ сылдьан, эр киһи күннээҕи олоҕор наадалаах араас албастары кытта билистилэр: 👔 Иванов Прокопий Романович — хаалтыс хайдах баанары сиһилии көрдөрдө уонна уолаттары бэйэлэрин боруобалатан үөрэттэ. 🌲 Софронов Георгий Валерьевич — айылҕаҕа туһах хайдах иитэллэрин көрдөрдө, кистэлэҥнэрин арыйда. 🔫Поскачин Семен Иванович — сааны дьиэҕэ хайдах уурары-харайары, ыраастыыры уонна туох докумуон ирдэнэрин туһунан дьоһуннаах кэпсээни ыытта. 🐟 Тимофеев Aфанасий Васильевич — илимҥэ хайдах дьаакыр иилэри, илим иилэргэ албастары көрдөрөн үөрэттэ. 🛠️ Иванов Алексей Александрович — шуруповертунан хайдах үлэлиэххэ сөбүн, туох албастар баалларын билиһиннэрдэ. 🔪 Федоров Спиридон Дмитриевич — быһах сытыылыыр албастары уонна ньымалары уолаттарга көрдөрөн үөрэттэ. 🏋️♂️ Федоров Федор Александрович — ыараханы көтөҕүүгэ тутуһуллуохтаах техника безопасности быраабылаларын кэпсээтэ. Уолаттар бу тэрээһини олус сэргээтилэр, эр дьонтон элбэх саҥаны биллилэр-көрдүлэр. Тэрээһин оҕолорго инники олохторугар улахан тирэх буолара саарбахтаммат. Эр дьоннорбутугар уолаттары иитиигэ көхтөөх кыттыыны ылбыттарыгар улахан махтал!