*«Сылаас дьиэ» бырайыак: Сунтаарга соҕотох олорор кырдьаҕастарга баһаартан сэрэтии үлэт...
*«Сылаас дьиэ» бырайыак: Сунтаарга соҕотох олорор кырдьаҕастарга баһаартан сэрэтии үлэтэ ыытыллар* 🔹️🔹️🔹️Сунтаар улууһугар уот баһаарын эрдэттэн сэрэтиигэ туһуламмыт «Сылаас дьиэ» пилотнай бырайыак олоххо киирэр. Бу суолталаах тэрээһин Саха Өрөспүүбүлүкэтин Үлэтин уонна социальнай сайдыытын министиэристибэтин хайысхатынан ыытыллар уонна нэһилиэнньэҕэ куттал суох буолуутун хааччыйыыга туһуланар. Бырайыак чэрчитинэн Сунтаардааҕы баһаарынай сулууспа уонна технологическай колледж көмөлөөн, улууска бэриллибит 2 квотанан соҕотох олорор кырдьаҕас дьон олорор дьиэлэрин уоттарын ситимин (проводкатын) толору уларытан биэриэхтэрэ. Хас биирдии олохтоох бэйэтин дьиэтин-уотун туругун кэмигэр көрүнүөхтээх. Сунтаар сыанатынан суоттаатахха, орто кээмэйдээх 7*8 квадратнай миэтэрэ иэннээх дьиэҕэ уот ситимин толору уларытыыга наадалаах матырыйаал сыаната барыта 30-ча тыһыынча солкуобай кэриҥэ буолар. Бу суумма дьиэ кэргэн олоҕун быыһыан сөптөөҕүн хаһан да умнуо суохтаахпыт. Уот ситимин кэмигэр уларытыҥ! ✍️ Сунтаар улууһун дьаһалтатын пресс-сулууспата