*Сунтаарга Бүлүү Эбэ туруга хайдаҕый?*
*Сунтаарга Бүлүү Эбэ туруга хайдаҕый?* 🔹️🔹️🔹️Быйылгы дьыл хойутаан Сунтаарга Бүлүү Эбэ билиҥҥи туругунан уста сытар, арай кытыытынан кыдьымахтаммыт, паром сырыыта тохтообот. Тэрилтэлэр халлаан туругуттан көрөн бу нэдиэлэ устата үлэлиир былааннаахтар. Оттон сырыы тохтоотоҕуна аэробот уонна салгын суднота үлэлиэҕэ. Өрүс мууһунан толору бүрүллүөр диэри ууга куттал суох буолуутун хааччыйар сулууспа олохтоохтору, чуолаан оҕолору чараас мууска тахсыбаттарыгар уонна сэрэхтээх буолалларыгар ыҥырар. Бу күннэргэ оскуолаларга каникул кэмэ саҕаланыаҕа. Манан сиэттэрэн анал сулууспалар күннэтэ "Чараас муус" диэн сэрэтэр үлэни күүскэ ыыталлар. Хас биирдии оҕо чараас мууска тахсыы бобуулааҕын уонна кутталлааҕын чопчу билиэхтээх. Ирдэбил быһыытынан муус халыҥа 15 сантиметры ситтэҕинэ сатыы киһи сылдьара көҥүллэнэр. Оҕолору көрүүтэ-истиитэ суох уу кытылыгар ыытымаҥ! 🧒❌ ✍️Сунтаар улууһун дьаһалтатын пресс-сулууспата