🌿🌿🌿*ТОС «ТАБЫС» - таптаа, ытыктаа, байыт ытык сиргин*🌿🌿🌿
🌿🌿🌿*ТОС «ТАБЫС» - таптаа, ытыктаа, байыт ытык сиргин*🌿🌿🌿 «Кэрэтий» (преображение) бырайыак түмүктүүр чааһын алтынньы ый 31 күнүгэр "Партизан" култуура киинигэр түөлбэ көхтөөх олохтоохторо, салайааччы солбуйааччыта Нина Краскова кыһаллан туран тэрийдилэр. Бырайыакка кыттыбыт түөлбэ кырасаабыссалара ыҥырыылаах ыалдьыт буолан кэлбиттэр. Нина Алексеевна бу бырайыак ким өйөбүлүнэн, көҕүлээһининэн барбытын, Тускулаана бырайаак кэмигэр уһулбут видео ролигын күөх экраҥҥа көрдөрө, көрдөрө кэпсээтэ., махтал суруктарын туттарда. Ыалдьыттарга анаан кулууп иһигэр алаадьы буһарбыт сыттара ыраахтан угуйар, кэлбит дьон сүргэтин көтөҕөр. Итии үүттээх чэй иһэ-иһэ, ирэ-хоро кэпсэтэн, Партизан култуурнай киин үлэһиттэрин мусукаальнай эҕэрдэлэрин истэн, сэргэхсийэн, ыҥырыылаах ыалдьыт Владимир Хаптасов оҕуруоччуттарга сүбэтин сэҥээрэн, сиэр-туом, айылҕалыын алтыһыы, ыраастаныы тиэмэтигэр Сунтаарга күтүөт буолан кэлбит саха эмчитэ Уус-Алдантан төрүттээх Дьалаан Дьаҕыл Хаан Дьолуо сүбэлэриттэн элбэҕи, туһалааҕы иҥэринэн тарҕастыбыт. Маннык түөлбэ олохтоохторун түмэн сыл устата элбэх тэрээһин, түмсүү, үлэ барда. Аны сомоҕолоһуу күнүн көрсө "Туску" түөлбэ муҥха тэрийиэ, манна түөлбэ олохтоохторо төһө көхтөөхтөрүн билиэхпит уонна араас оонньуулар тэриллиэхтэрэ. Барыгытын күүтэбит🙌🏼 Сонуну суруйда: Л. Тертюхова 31.10.2026 сыл