👍Сунтаардааҕы оҕо библиотеката оҕолору Ийэ тылга иитэр дьарык тэрийдэ
👍Сунтаардааҕы оҕо библиотеката оҕолору Ийэ тылга иитэр дьарык тэрийдэ Бу сайын бибилэтиэкэ 10 күннээх оҕону төрөөбүт тылын таптыырга үөрэтэр лааҕыр тэрийбитэ. Ону үгүс оҕо сөбүлээн иккистээн кэлбиттэр эмиэ бааллар. Аны бу күһүҥҥү сынньалаҥҥа өссө тэрийэллэрэ буоллар диэн эбэлэр, «Ийэ тыл» түмсүүтүн этиилэрин ылынан 3 күннээх дьарык тэрийэн саҕалаатылар. Оҕо элбэх, сарсыарда кэлэн сахалыы доргуччу аахпытынан бараллар, онтон сахалыы сэһэргэһии кинилэри кэтэһэр, саха оонньуута өрө көтөҕүллэр, саха остуоруйатын истии олохтонор. «Оҕолор биллэ эбиллэллэр», - диэн бибилэтиэкэ үлэһиттэрэ олус үөрэ санааларын үллэстэллэр. Тускулаана.
39 просмотров
Канал в каталоге Максиметера
365 подписчиков · Госорганы и учреждения