🌿🪻🌺🌿🪻🌺🌿🪻🌺Бүгүн, төҺө да уҺун унньуктаах, саппа5ырбыт ардахтаах күннэр турбутта... — 10 июля 2026 г. в 07:21:51.865
🌿🪻🌺🌿🪻🌺🌿🪻🌺Бүгүн, төҺө да уҺун унньуктаах, саппа5ырбыт ардахтаах күннэр турбуттарын иҺин, истэриттэн сырдыы сылдьар эбээлэр уонна кинилэр сиэн кыргыттара, "Дьиэ кэргэн күнүн" чэрчитинэн ыытыллар "Эбээ уонна сиэн кыыс" конкурска кытыннылар. Өрүү да буоларын курдук кыттар эрэ иитээччилэр уонна иитиллээччилэр кыттан, күнэ суох былытынан бүрүллэн турар халлааммытын сырдаттылар, сылааҺынан илгиттилэр. Иитээччилэр Эмма Николаевна уонна Агафья Петровна, сиэн кыргыттара Алика, Влада күүтүллүбүтүн курдук олус бэркэ бэлэмнэммиттэр. Куйаас күҥҥэ сүрэ5и сөрүүкэтэр, тама5ы ханнарар утахтарын бэлэмнээн а5алан көрөөччүлэргэ амсаттылар. Кыргыттарбыт хаҺан да туттубатахпыт диэбэккэ, илиинэн эриллэр мясорубканы таа5ы таах таҥнылар. Халыҥ кыҺыҥҥы үтүлүгүнэн иҥнэ5э сап уган илиилэрин имигэҺин тургутустулар. БыыҺыгар "отонноон" да ыллылар. Конкурспут бүтэҺик түҺүмэ5инэн "Сайыҥҥы, кэрэ көстүү" этэ. Конкурсаннар хааман долгулдьуҺан киирбиттэрин ытыс тыаҺынан көрүстүбүт. Дьүүллүүр сүбэ быҺаарыытынан, Эмма Николаевна уонна Алика бастааннар, эбээ Эмма Николаевна - "Илгэ Хотун 2026" ааты ылан лиэнтэ кэттэ💐. Кыттыбыт иитээччилэрбит, о5олорбут бары бириис, сертификат тутан астыннылар. Эмма Николаевна5а уонна Агафья Петровна5а бар5а махтал тылларбын тиэрдэбин🙌🏻👏🏻👏🏻👏🏻. ЭҺиги кыттыыгытынан, ис дууҺа5ытыттан сырдаан үөрэ сылдьаргытынан о5олорго сирдьит сулус🌟✨ буола5ыт. Мэлдьи маннык кытта сылдьыҥ, о5олоргутугар холобур буола туруҥ🌸🌸🌸🌸🌸🌸🌸🌸🌸