Күндү Сунтаар улууһун олохтоохторо, ытыктабыллаах биир дойдулаахтарым! — 5 июня 2026 г. в 05:00:41.187
Күндү Сунтаар улууһун олохтоохторо, ытыктабыллаах биир дойдулаахтарым! Бу быйылгы улууспут 225 сылын көрсөр, өрөгөйдөөх үбүлүөйүн бэлиэтиир Ыһыахха Сунтаартан төрүттээх атын сиргэ олорор биир дойдулаахтарбытын, Сунтаар олохтоохторун уонна быйылгы сылга удьуор үбүлүөйүн бэлиэтээччилэри барыгытын ыҥыран туран, ыһыах күрэхтэригэр бэйэҕит ааккытын ааттатар "Анал бириис" туруораргытыгар ыҥырабын. Төһө да уустук кэмҥэ олорбуппут иһин, улуус ыһыаҕа үрдүк таһымҥа ааһарыгар күүс-көмө буолан, бэйэҕит тус кылааккытын киллэрдэххитинэ, Эһиги удьуор аймаххыт аата-суола хайаан да бэлиэтэниэ, Үбүлүөйдээх кинигэҕэ кыһыл көмүс буукубаларынан суруллуо. Улууспут дьоно бииргэ сомоҕолоһон, бу дьоро күммүтүн күүспүтүн, кыахпытын, сырабытын холбоон, Сунтаар-олоҥхо дойдута буоларбытын бигэргэтэн, сиэри-туому тутуһан, Айыылартан алгыс ылынан, дьоһуннук тэриниэҕин, инники сылларга сайдар кэскилбитин түстүөҕүҥ! Спонсорскай көмөнү QR-кодунан НКО «Фонд содействия социально-экономическому развитию МР «Сунтарский улус (район)» расчетнай счетугар ыытыаххытын сөп. Ытыктабылы кытта Сунтаар улууһун баһылыга А. В. Григорьев